நீண்ட பெருமூச்சு ... ரெட்புல் ரெனால்ட் வெற்றி .

பல பிரச்சனைகளை கடந்து பக்ரைன் கிராண்ட் பிரிக்ஸ் போட்டி - Sakhir International Circuit எந்த வித பயமும் (வெளியே தெரியாமல் ) இல்லாமல் முடிந்து .(போட்டி களத்திற்குமிக அருகில் சில நாட்களாக வன்முறைகள் நடந்தும்) .சென்ற ஆண்டு கைவிடப்பட்டு இந்த ஆண்டில் மிக குறைந்த ரசிகர்களின் வரவில் முடிவடைந்தது

கலவரத்தை முடிவுக்கு கொண்டு வர

ஆளும் .al-Khalifa குடும்பத்திற்கு மிக பெரிய வருமானம் பார்முலா ரேசால் இழக்க கூடாது என்பதுவும் ,அங்கு நடக்கும் கலவரத்தை முடிவுக்கு கொண்டு வரவும், ப்ளூ சிப் கம்பனிகளுக்கு சிவப்பு கம்பளம் விரிக்கவும் ,உங்கள் கோபம் ஏதும் செய்ய முடியாது என எதிர்பாளர் Al-Wefaq குழுவுக்கு அறிவிக்கவுமே இந்த போட்டி .

ஆனால் பாராட்டியே ஆகவேண்டும் .நல்ல நிர்வாகம் .அருமையாக போட்டியை நடத்தி முடித்தார்கள் .

சரி .நாம் உள்ளே நடந்த போட்டியை பார்ப்போம் .

Pedro de la Rosa.

Sakhir International Circuit

களம்

இந்த போட்டியுடன் Sakhir International Circuit ல் நடந்த ஆறாவது போட்டியாகும் .ஐம்பத்தி ஏழு சுற்றுக்களை கொண்ட இந்த களத்தின் மொத்த நீளம் 308.238 கி. மீ .ஒரு சுற்றின் நீளம் 5.412 கி .மீ தூரம் .

இந்த களத்தின் முந்தய வேகபதிவாளர் 2005 ல் மெக்லரண் மேர்சடிஷின் - Pedro de la Rosa.அவரின் ஒரு சுற்றுக்கான நேரம் 1:31.447.இந்த களத்தில் மொத்தம் பதினைந்து வளைவுகள் உள்ளது நீண்ட வளைவுகளும் மாறி மாறி வருவது டிரைவர்களுக்கு சற்று சவாலான களம்தான்.

ஆரோக்கியமான நான்கு போட்டிகள்.

இந்த ஆண்டில் மார்ச் 22 ஆம் தேதியில் ஞாயிறு பஹ்ரைன் போட்டியோடு  நான்கு போட்டிகள் முடிவடைந்துள்ளது .ஒவ்வொரு போட்டியும் வெவ்வேறு அணிக்கு வெற்றிகளை தந்துள்ளது .

NO.	TEAM	POINTS
1	Red Bull (Austria)	101
2	McLaren (Great Britain)	92
3	Lotus F1 (Great Britain)	57
4	Ferrari (Italy)	45
5	Mercedes AMG (Germany)	37
6	Sauber (Switzerland)	31
7	Williams (Great Britain)	18
8	Force India (India)	17
9	Toro Rosso (Italy)	6
10	Marussia (Russia)	0
11	Caterham (Malaysia)	0
12	HRT (Spain)	0

அதுமட்டுமா ?கடந்த 1971 ல் கடைசியாக மெக்சிக்கன் டிரைவர் -Pedro Rodríguez என்ற இரண்டாம் வந்தார் . 41 ஆண்டு வரை முதல் மூன்று இடத்திற்கான வெற்றியை பெறாத அந்த தேசத்து செர்ஜியோ பெரேஸ் இரண்டாம் மலேசியா போட்டியில் பெற்று தந்தார் .அவரை தொடர்ந்து 1998 ல் பிரான்ஸ் தேசத்து ஜீன் அலேசி ( Jean Alesi ) யின் வெற்றி அந்த தேசத்து வீரரின் மூன்றாம் இடத்திற்காக போடியம் கால் பதித்தது.இப்போது அதை மீண்டும் லோட்டஸ் அணிக்காக பஹரைன் போட்டியில் ரோமின் க்ரோச்ஜியன் பெற்று இருக்கிறார் .அதுமட்டுமா இதுவரை 111 ( பஹரைன் போட்டி இல்லாமல் ) போட்டியில் கலந்து கொண்டு கடந்த சீன போட்டியில் முதல் இடத்து வெற்றியை அதுவும் அந்த அணிக்காக 57 ஆண்டுக்கு பிறகு ஜெர்மனியின் - நிக்கோ ரோச்பெர்க் பெற்று தந்திருக்கிறார் .இப்படி பல மாற்றங்களால் அதுவும் ஆரோக்கியமான முடிவுகளை பார்முலா ரசிகர்களுக்கு 2012 ஆம் ஆண்டு வழங்கி கொண்டு  இருக்கிறது . 

 போட்டி.

முதல் சுற்று ..

அற்புதமான துவக்கத்தை செபாஸ்டியன் வெட்டல் வெளிப்படுத்தி, முதலிடத்தை தக்கவைத்து கொண்டார் .அவரை தொடர்ந்து லீவிஸ் ஹேமில்டன் ,மூன்றாம் இடத்தில மார்க் வெப்பர் தொடர ..

அடுத்து ஏழாம் இடத்திலிருந்த லோட்டஸ் ரெனால்டின் ரோமின் க்ரோச்ஜியன் நாகாம் இடத்திற்கு பறந்தார் .அதே அணியின் கிமி ரேயகொனேன் பதினோராம் இடத்திலிருந்து ஒரே பாய்ச்சலாக ஏழாம் இடம் பிடித்தார் .என்ன ஆச்சர்யம் லோட்டஸ் ரெனால்ட் இந்த பாய்ச்சல் செய்கிறது ? ஐந்தாம் இடத்து மேர்சிடிசின் நிக்கோ ரோஷ்பெர்க் ஐந்தாம் இடத்தை தக்கவைத்து கொள்ள முடியாமல் பத்தாம் இடத்திற்கு தள்ளப்பட்டார் .

ஏற்கனவே கியர் பாக்ஸ் மாற்றத்தினால் பெனால்டியினால் பதினேழாம் இடத்தில் இருந்து இருபத்தி இரண்டாம் இடத்தில் துவங்கி பதினாறாம் இடத்தை பிடிக்க ..

நான்காம் சுற்று ...

DRS தொழில்நுட்பம் அனுமதிக்கப்பட்டது .ஏறக்குறைய இறக்கை கட்டிய குதிரை போல ரோமின் க்ரோச்ஜியன் கார் பறந்தது மூன்றாம் இடத்தை படிக்க முயல ,விட்டு கொடுக்காத வெப்பரின் மூன்றாம் இடத்து போராட்டம் தோல்வி ..அங்கு இப்போது க்ரோச்ஜியன்.இன்தாம் இடத்தில் பெர்ராரியின் ஆலோன்சாவும் ,எட்டாம் இடத்தில அந்த அணியின் பிலிப் மாசாவும் முன்னேறிக்கொண்டே இருக்க ...

எட்டாம் சுற்று .

ஏழாம் இடத்து ரேயகொனேன் இப்போதுஜென்சன் பட்டனை நெருங்க  அவருக்கு டயர் பிரச்சனை வர அந்த இடம் பறிபோனது .வழக்கம் போல பின்புறம் இடது வீலில் பிரச்னை .

பனிரெண்டாம் சுற்று ..

செபாஸ்டியன் வெட்டல் தன்னுடைய முதல் பிட் ஸ்டாப்புக்கு வந்தார் .அதே சமயம் பால்டி ரெஷ்டாவும் வந்தார் பிட் ஸ்டாப் .ஏழாம் இடத்தை தக்கவைதுகொள்ளும் .போட்டியில் பெர்ராரி அலோன்சா - மேக்ளரனின் ஜென்சன் பட்டன் .

பதினாறாம் சுற்று ..

லோட்டஸ் ரெனால்டின் ,கிமி ரேயகொணன் வேகம் மலைக்க வைத்தது .அவரை தொடரும் க்ரோச்ஜியன் நிச்சயம் அடுத்த அடுத்த சுற்றுக்களில் சவாலாக இருப்பது நிச்சயம் என தெரிந்தது ..

இருபதாம் சுற்று ...

பத்தாம் இடத்தின் பால்டி ரேஷ்டாவை பின்னுக்கு தள்ள ஷுமேக்கர் முயற்சி செய்து கொண்டுஇருக்க ..

வெட்டல் தன்னுடைய அனுபவத்தை கையில் எடுத்துகொண்டு மிக நேர்த்தியான ட்ரைவிங்கை தொடர்ந்தார் ..

இருபத்தி நான்கு ...

லோட்டஸ் -ரெனால்ட் அணிக்குள் மூன்றாம் இடத்து ரேயகொணன் இரண்டாம் இடத்து க்ரோஜியனை பின்னுக்கு தள்ளினார் .ஒருவேளை சீனியாரிட்டி யுத்தம் போல !

மௌரிஷ்யா - காஷ்வோத் அணியின் சார்லஸ்பிக் ஏர் பிரசர் பிரச்சனையால் வெளியேறினார் 

இருபத்தி எட்டு...

ஆலோன்சாவின் புகார் அணி ரேடியோ தொடர்புமூலம் வந்தது .. தன்னை நிக்கோ ரோஷ்பெர்க் பாதையிலிருந்து தள்ளி விட்டார் என்பதாக ..அதை கள நீதிபதி ஷ்டுவர்ட்ர்ஸ் ஆராய்ச்சிக்கு போனது 

முதல் பத்து கார்களும் சுமார் இருபது வினாடிகள் வித்தியாசத்தில் ஒன்றை ஒன்று துரத்திக்கொண்டு இருந்தன .வெட்டல் - ரேயகொணன் - க்ரோஜியன் -வெப்பர் -பால்டி ரெஸ்டா - பட்டன் - கோபயாஷி - நிகோ ரோஷ்பெர்க் - அலோன்சா மற்றும் மாசா .

வில்லியம் காஷ்வோர்த்தின் - பாஸ்டர் மால்டோனாவின் கார் பஞ்சர் .ரேசிளிருந்து விலகியது 

முப்பத்தி இரண்டு ...

ரோஷ்பெ கின் டிரைவிங் முறை முற்றிலுமாக மாறி இருக்கிறது . ஆம் நிறைய ஓவர் டேக்கிங் எடுப்பதுவும் கொடுக்க மறுப்பதுவுமாக நடந்தது .தன்னாலும் முடியும் என்ற வேகம் அவருக்குள் விதை விட்டு வளர காரணம் சீன ரேஸ் வெற்றி !

முப்பத்தி ஆறு ...

வெட்டலை பின்னுக்கு தள்ளும் முயற்சியில் கிமி ரேயகொணன் தீவிரம் காட்ட ,இதை புரிந்து கொண்ட ரெட்புல் அணி தொடர்ந்து வெட்டளுக்கு ஆலோசனை வழங்கிக்கொண்டே இருந்தது .ஆனால் வெட்டலின் பதில் கிமியை பார்த்து நீங்கள் 2007 ல் தான் சாம்பியன் நான் 2010 - 2011 என்பதாக இருந்தது .வாய்ப்பே தரவில்லை .

நாற்பது ...

டயர் மாற்றிய பின் வந்த பிலிப் மாசா பத்தாம் இடத்து ஹெமிலடனை குறிவைத்து துரத்த ,அவர் தன்னுடைய வேகத்தை 1:37.733 நிமிடமாக பதிவு செய்தார் 

நாற்பத்தி மூன்று ..

வெட்டல் மிக அற்புதமான ட்ரைவின்கை வெளிபடுத்தினாலும் அவரை ஆழம் பார்ப்பது போல தொடரும் ரேயகொணன் வாய்ப்பை தொடர்ந்து கொண்டே இருந்தார் .என்ன நினைத்தாரோ வெட்டல் அடுத்த இரு சுற்றுக்குள் தன்னுடைய இடை வெளியை மூன்று வினாடிக்கு உயர்த்தினார் .

நாற்பத்தி ஆறு ...

ஷூமேக்கரும் தன்னை - சாபெர் பெர்ராரியின் கமுய் கோபயாஷி முன்னேறுவதை கண்ணாடியில் பார்த்த போதும் ஏதும் செய்ய இயலாத ஒரு நிலையை தொடர ,அதே அணியின் செர்ஜியோ பெர்ஷும் ஷூமேக்கரை இந்த நேரத்தை பயன்படுத்தி முந்த முயல ஷூமேக்கர் சுதாரித்து தன்னுடைய தக்க வைத்து கொண்டார் ..

நாற்பத்தி ஒன்பது ..

வெட்டலும் - கிமி ரெய்கொணன் இடை வெளி 2.6 வினாடியாக குறைந்தது .ஏதாவது செய்தே ஆகவேண்டும் என்பது போல இருவரும் போட்டி இட்டுக்கொண்டு இருக்க இரு அணிகளின் தலைமை, பெருமூச்சில் மூழ்கி இருந்தது ..

ஐம்பதாவது சுற்றில் ..

போர்ஸ் இந்தியாவின் பால்டி ரெஷ்டாவின் ஐந்தாம் இடத்தை பிடிக்க ரோஷ்பெர்க் முயல ,இருவருக்கும் இடைவெளி ஒருவினாடிக்கும் குறைய ரோஷ்பெர்க்கின் பலம் அதிகரித்தது .. தான் ஒரு ஜெர்மானிய டிரைவர் என்பதை ரோஷ்பெர்க்கும் ,அது அவ்வளவு சுலபமில்லை என்பதை பிரிட்டிஷ் டிரைவரும் சொல்லிக்கொண்டு இருக்க ..

ஐம்பத்தி இரண்டு 

வாவ் ! அருமையான ரோஷ்பெர்க் முயற்சி .ஆம் பால்டீ ரேஷ்டாவை மிக சாதுர்யமாக வளைவின் உள்வட்டத்தில் முன்னேறி அடுத்த வளைவில் பின்னுக்கு தள்ளினார் ரோஷ்பெர்க் .இது தந்திரமா ? தனி திறமையா ? இவ்வளவு நாள் எங்கு போயிருந்தது ரோஷ்பெர்க் ?

இப்போது ஐந்தாம் இடத்தில் ரோஷ்பெர்க் ...

ஐம்பத்தி மூன்று ...

லீவிஸ் ஹேமில்டன் ஒன்பதாம் இடத்திலிருந்து எட்டாம் இடத்து அலோன்சாவை ஒருவினாடி இடைவெளியில் துரத்தி கொண்டு இருக்க ..

ஐம்பத்தி நான்கு ...

வழக்கம் போல ஜென்சன் பட்டனின் காரின் இடத்து பக்கம் பின்புற வீலில் பிரச்சனை ஆனால் இந்த முறை Differential பகுதியில் .அவர் கார் பிட்லேனை விட்டு கிளம்பும்போது மெக்கானிக் கையில் சுடச்சுட ஒரு நட் இருந்தது .

மீண்டும் பதிமூன்றாம் இடத்தையே தொடர முடிந்தது பட்டன் .

வில்லியம்ஸ் அணியின் இன்னொரு டிரைவர் ப்ருனே சென்னா காரை செலுத்துவதில் பிரச்சனை சொல்லபட்டது ( a worsening problem with the handling of the car ) அது அணியின் தொழில் நுட்பவியலார்களுக்கு புதிதாய் தெரிய வரவே கார் திருப்பி அழைக்க பட்டு ரேஷிளிருந்து வெளியேறியது .இதன் மூலம் இரண்டு வில்லியம்ஸ் கார்களும் வெளியேறிவிட்டது .

ஐம்பத்தி ஐந்து ..

ஜென்சன் பட்டன் கார் பிட்லேன் திரும்பியது .ரேசில் தொடரவில்லை .

ஐம்பத்தி ஆறு ...

ஜென்சன் பட்டனின் பத்தாம் இடம் காலியாக அந்த இடத்தை செர்ஜியோ பெரஸ் நிரப்ப முயல ,அந்த ரிஸ்க் உனக்கு வேண்டாம் என்பது போல ஷூமேக்கர் பிடித்தார் .

இன்னும் ஒரு சுற்று மீதம் உள்ள நிலையில் ஏதேனும் அசம்பாவிதம் நிகழ்ந்து காத்திருந்த முதலிடம் கை நழுவலாம் என உணர்ந்த வெட்டல் ஒரே வேகத்தில் மீண்டும் கிமி ரெய்கொனனுக்கும் தனக்கும் உள்ள இடைவெளியை மூன்று வினாடி என நிர்ணயம் செய்தார் ..

ஐம்பத்தி எழு ..கடைசி சுற்று ...

முதலிடம் ..

இந்த ஆண்டின் முதல் வெற்றி செபாஸ்டியன் வெட்டளுக்கு .( ஆஸ்த்ரேலியாவில் இரண்டாம் இடம் ) கடைசி சுற்றின் வளைவில் காரை நிறுத்திவிட்டு ,போடியம் பகுதிக்கு - வெட்டல் ஓடி வந்தது சற்று வித்தியாசமாக இருந்தது . நீண்ட காத்திருத்தலின் அழுத்தத்தை வெளியேற்றவே அவ்வாறு செய்திருக்கலாம் !

வழியில் அவரின அணி தலைமை மெக்கானிக் Christian horner அவர் ஓட்டத்தில் பங்கெடுத்து கொண்டார் .நீண்ட அழுத்ததிலிருந்து அந்த அணி வெளிவந்து இருக்கிறது .அந்த அணியின் மார்க் வெப்பர் நான்காம் இடத்தை எழுதி வாங்கிகொண்டது போலவே இந்த முறையும் வந்தார் .

போடியத்தில் பரிசு வழங்கும் முன் வெற்றி பெற்ற டிரைவரின் தேசிய கீதம் ஒலிப்பது வழக்கம் .அப்போது வெட்டலின் நீண்ட பெருமூச்சின் வெளிப்பாட்டின் மூலம் அந்த அணியின் உணர்வு வெளிப்பட்டது .அது மட்டுமல்ல வெட்டளுக்கு பக்ரைன் தேசத்தில் கிடைத்த முதல் - முதலிடம்...

இரண்டாம் இடம் ...

லோட்டஸ் ரெனால்டின் - கிமி ரேயகொணன் பின்னிஷ் தேசத்தை சேர்ந்தவர் .2009 ஆண்டில் இத்தாலியில் பெர்ராரி அணிக்காக போட்டியிட்டபோது  கொண்டபோது மூன்றாம் இடம்வந்து ,போடியம் ஏறியவர் .( இடையில் 2010,2011 ஆம் ஆண்டுகளில் யாரும் கண்டுகொள்ளவில்லை என்பது வேறு விஷயம் ) போடியத்தில் இவரின் முகத்தில் சற்று சந்தோசம் குறைந்து இருந்தது .ஆம் ,முதலிடம் போச்சே .இன்னும் கொஞ்சம் முயற்சி இருக்கலாம் என்பது போல !

மூன்றாம் இடம் ...

அதே லோட்டஸ் ரெனால்டின் இன்னொரு வீரர் .இவர் ரோமின் க்ரோஷ்ஜிய .இவர் பிரெஞ்சு தேசத்தை சேர்ந்தவர் .இவர் பார்முலா 1 போட்டிக்கு புதியவர் .பார்முலாவுக்கு முந்திய GP2 Asia (Champion) & GP2 (Champion) .இவரை கொண்டு வந்த பெருமை லோட்டஸ் அணிக்கு சேரும் .

வீரர்களின் புள்ளி பட்டியல். 

1	Sebastian Vettel (Germany)	Red Bull	53
2	Lewis Hamilton (Great Britain)	McLaren	49
3	Mark Webber (Australia)	Red Bull	48
4	Jenson Button (Great Britain)	McLaren	43
5	Fernando Alonso (Spain)	Ferrari	43
6	Nico Rosberg (Germany)	Mercedes AMG	35
7	Kimi Raikkonen (Finland)	Lotus F1	34
8	Romain Grosjean (France)	Lotus F1	23
9	Sergio Perez (Mexico)	Sauber	22
10	Paul di Resta (Great Britain)	Force India	15
11	Bruno Senna (Brazil)	Williams	14
12	Kamui Kobayashi (Japan)	Sauber	9
13	Jean-Eric Vergne (France)	Toro Rosso	4
14	Pastor Maldonado (Venezuela)	Williams	4
15	Daniel Ricciardo (Australia)	Toro Rosso	2
16	Nico Hulkenberg (Germany)	Force India	2
17	Felipe Massa (Brazil)	Ferrari	2
18	Michael Schumacher (Germany)	Mercedes AMG	2
19	Timo Glock (Germany)	Marussia	0
20	Charles Pic (France)	Marussia	0
21	Vitaly Petrov (Russia)	Caterham	0
22	Heikki Kovalainen (Finland)	Caterham	0
23	Pedro de la Rosa (Spain)	HRT	0
24	Narain Karthikeyan (India)	HRT	0

சஹாரா போர்ஸ் இந்திய அணி 

சஹாரா போர்ஸ் இந்திய அணி பால்டி ரெஸ்டா ஆறாம் இடம் வந்து ,எட்டு புள்ளிகளை ஈட்டி இருக்கிறார் .

பெண் போராளிகள் அல்ல.

பயந்து விட வேண்டாம் ! இவர்கள் பெண் போராளிகள் அல்ல .பாஹரைன் களத்தின் வீரர்களையும் ,ரசிகர்களையும் உற்சாகப்படுத்தும் மங்கைகள்தாம் .பெண்களின் ஓட்டு மற்றும் உடை போன்ற அடிப்படை உரிமைகளுக்காக போராடும் நிலையில் - அவர்களின் வரையறுக்கப்பட்ட சுதந்திர உடைகளுடன் காட்சி அளிப்பதைத்தான் பார்கிறீர்கள் .

பார்முலா 1ன் வேகத்தை பயமுறுத்தும் பயங்கரவாதம்

எல்லோரின் மனதிலும் அடுத்து பஹ்ரைனின் - Sakhir International Circuit நடக்க இருக்கும் போட்டியை பற்றிய ஆர்வம் இருக்கும் அளவுக்கு அங்கு நடந்து கொண்டு இருக்கும் அசம்பாவிதங்களையும் அறியும் ஆர்வம் அதிகரித்துள்ளது .நேற்று பெயரிப்படாத அமைப்பு அமைப்புகள் வலைத்தளத்தில் பயமுறுத்துகிறது .ஏற்கனவே சஹாரா போர்ஸ் இந்திய அணி வெள்ளிகிழமை நடந்த இரண்டாவது பயிற்சி போட்டியில் கலந்து கொள்வதை கைவிட்டது அதை தொடர்ந்து சாபர் அணியின் மெக்கானிக்குகள்  சில கலகக்காரர்களை, முகமூடி அணித்து கையில் பெட்ரோல் பாட்டில்களுடன் ( தாங்கள் பயணம் செய்த பஸ் அருகே பார்த்த பயத்தில் உறைந்து போய் இரண்டாவதுபயிற்சி போட்டியில் கல்ந்துகொள்ளமால் கைவிட்டார்கள் .

பார்முலாவின் அமைப்பாளர் Bernie Ecclestone தன்னுடைய கவலையை ஆளும் அழ -க்ஹளிபா (  al-Khalifa ) மன்னர் குடும்பத்திடம் தெரிவித்துள்ளார் ஆனால் அவர்களோ எங்கள் நாட்டில் எந்த பிரச்னையும் இல்லை என்பதாக உலகுக்கு காட்டவே இந்த போட்டி நடந்து ஆகவேண்டும் என பிடிவாதமாக இருக்கிறார்கள் .அவர்களின் ஆட்டத்தை ஆட பார்முலா போட்டிகளும் அதன் வீரர்களின் உயிரும்தான் மேடையா ? உடன்பாட்டில் கையெழுத்திட்ட Bernie Ecclestone தலை எழுத்தை முடிவு செய்யட்டும் .

பயிற்சி போட்டி ...
வெள்ளிகிழமை பயிற்சி போட்டியில் மெக்லரண் மெர்சீடிஷின்- லீவிஸ் ஹெமிடன் ,ரெட்புல்லின் -செபாஸ்டியன் வெட்டல் ,டா சஹாரா போர்ஸ் இந்திய - பால்டி ரெஸ்டா வந்தனர் அடுத்த பயிற்சி போட்டியில் மெர்சீடிஷின் - நிக்கோ ரோஷ்பெர்க் ,ரெட்புல்லின் மார்க் வெப்பர் ,செபாஸ்டியன் வெட்டல் வந்தனர்
சனிகிழமை இறுதி பயிற்சி போட்டியில் -  நிக்கோ ரோஷ்பெர்க் ,செபாஸ்டியன் வெட்டல் , மார்க் வெப்பர்.வந்தனர் .ரெட்புல்லின் வசம் பிசி போட்டி மட்டுமா போனது ?
தகுதி சுற்று ,,,
( Q1 ) இருபத்தி நான்கு கார்களின் பலப்பரிட்சையில் முதல் சுற்றில் அதிவேக பதிவையும் அதே சமயம் 107% சதவிகிதத்தையும் நிறுவியது வழக்கம்போல சாபெர் பெர்ராரியின் செர்ஜியோ பெரஸ் 1:33.814 நிமிட :வினாடி .மில்லி வினாடியில் பறந்து.+(107%) 06.567=1:40.381 நல்ல வேலை இந்த முறையும் யாரும் இல்லை
(Q2) பதினேழு காரில் லீவிஸ் ஹேமில்டன் 1:33.209 வேக பதிவை செய்தார் .

 வீழ்வேன் என்று நினைத்தார்களோ ?

(Q3) பத்துக்குள் இப்போது வீழ்வேன் என்று நினைத்தார்களோ ? என்ற கேள்வியுடன் ரெட்புல்லின் - செபாஸ்டியன் வெட்டல் முதலாகவும் அடுத்து லீவிஷும் ,மார்க் வெப்பரும் வந்தார்கள் .

அழகிய பக்ரைன் 

நாளை இந்தியா நேரப்படி மாலை (மின்சாரம் இருக்கும் நேரப்படி) ஐந்து முப்பதுக்கு ஆரம்பிக்கும் .ஆனால் அழகிய பக்ரைன் தீவை ரசிக்க முன்னரே ஒருநேரத்திற்க்கு மணிக்குமுன்னரே  டி, வி முன் அமரவும் .

ஐம்பத்தி ஏழு ஆண்டுக்கு பிறகு...மெர்சீடிஸ் அணிக்கு வெற்றி

பார்முலா 1 ன் மூன்றாவது போட்டி கடந்த மார்ச் 15 ஆம் நாள் சீனாவின்  ஷாங்காய்  இன்டர்நேஷனல் சர்க்யூட்டில் பல வித்தியாசமான முடிவுகளுடன் நடந்தது .அற்புதமான ஷாங்காய் சர்க்யூட்டில் இன்று நடப்பது  ஒன்பதாவது போட்டியாகும் .இந்த  சர்க்யூட் மிகவும் டிரைவர்களால் விரும்ப்படுவதர்க்கு காரணம் இதன் நீண்ட வேக பாதை மற்றும் வளைவுகள் சவாலாக இருப்பதுதான் .

 ஷாங்காய் சர்க்யூட்

களத்தின் மொத்த நீளம் 305:066 கி.மீ .ஒரு சுற்றின் தூரம் 5.451 கி .மீ .இதனை பெர்ராரியின் F2004 காரில் 2004 ஆண்டில் அதிவேகத்தில் கடந்த வேக நாயகன் திருவாளர் மைக்கேல் ஷுமேக்கர் அண்ணாச்சிதான் .அவரின அதிவேக பதிவு ஒரு நிமிடம் :முப்பத்தி இரண்டு வினாடிகளும் .இரநூற்றிமுப்பத்திஎட்டு மில்லி வினாடியாகும் .( இதுதான் நீளம் ).

பயற்சி போட்டி நிலவரம் ..

மார்ச் பதிமூன்றில் நடந்த பயிற்சி  போட்டியில் முதல் போட்டியில் லீவிஸ் ஹெமில்டனும் .இரண்டாவது போட்டியில் மைக்கேல் ஷூமேக்கரும் ,14 தேதி  நடந்த பயிற்சி  போட்டியிலும்,லீவிஸ் வந்தார் .

தகுதி சுற்றில் ...

(Q1) முதல் தகுதி சுற்றின் 107 % தலை விதி யை நிர்ணயம் செய்தவர் சாபெர் -பெர்ரரியின் செர்கியோ பெரஸ் அவரின் 1:36.198 வேக பதிவு + (107%) 0:06.733 =1:42.931 .நல்லவேளை யாரும் இந்த வம்பில் மாட்டவில்லை இந்த முறை .இரண்டாவது (Q2) மார்க் வெப்பர் 1:35.700 அதிவேக பதிவை செய்தார் ஆனால் இறுதி பத்துக்குள் ஒன்றில் மேசீடிஷின் நிக்கோ ரோஷ்பெர்க்  1:35.121 முதலிடத்திலும் .இரண்டாவது இடத்தில் லீவிஷும் 1:35.626 , மூன்றாவது இடம் மைக்கேல் ஷுமேக்கரும் 1:35.691 போட்டியின் துவக்க நிலையை ( Grid ) தக்கவைத்து கொண்டனர் .
மழை எதிர்பார்க்கப்பட்டது .ஆனால் சீதோஷ்ண நிலை ஜில் ,ஜில்தான் .

ரேஸ் ...

ஞாயிறு மதியம் இந்தியா நேரப்படி 12:30 க்கு போட்டி அணிவரிசையில் இந்த ஆண்டு மேற்சீடிஷின் இரண்டு கார்களும் முதல் வரிசையில் நின்றன . 57 ஆண்டுக்கு  பிறகு அந்த அணியின் வெற்றி கோப்பை கனவு வெகுதூரத்தில் நின்று கொண்டு  இருக்கிறது .ஆம் கடந்த 1955 ஆம் ஆண்டு செப்டெம்பர் 11 ஆம் நாள் இத்தாலியில் நடந்த போட்டியில் அந்த அணியின் அர்ஜென்டினா தேசத்தின் டிரைவர் - Juan Manuel Fangio மேர்சீடிஸ் W196 கார் முதலிடத்தில் தொடங்கியது .அந்த வெற்றி அதன் உலக சாம்பியன் பட்டதையும் பெற்று தந்தது ( அப்போது அணிகளுக்கான சாம்பியன்ஷிப் இல்லை ) இன்று அந்த தொடக்கம் பார்க்க உற்சாகமாக இருந்தது அதன் ரசிகர்களுக்கு ..


முதல் சுற்று ....

அற்புதமான துவக்கத்தை ரோஷ்பெர்க் ஏற்படுத்தினார் .அவரை தொடர்ந்து .மைக்கேல் ஷூமேக்கர் அடுத்து சாபர் அணியின் கோபயாஷியையும் ,லோட்டஸ் அணியின் ரெய்கொனனையும் பின்னுக்கு தள்ளி மேக்ளரனின் - ஜென்சன் பட்டன் மூன்றாம் இடத்தை பிடித்தார் .ஆனால் அந்த அணியின் ஹேமில்டன் கியர் பாக்ஸ் மாற்றத்தினால் தண்டிக்கப்பட்டு இரண்டாம் இடத்திலிருந்து ஏழாம் இடத்திலிருந்து துவங்கி தனக்கு முன் இருந்த மார்க் வெப்பறை பின்னுக்கு தள்ளி ஹெமிலடனை தொடர்ந்தார் .
பின்வரிசையில் இதை விட அனல் பறக்க மாற்றங்கள் நடத்து கொண்டு  இருந்தன .

மூன்றாவது சுற்று ..
பட்டனுக்கும் - அவரை தொடரும் ரெய்கொனனுக்கும் மிக பெரிய போட்டி நடந்து கொண்டு இருந்தது .ஆனால் மேக்ளரனின் தொழில்நுட்ப முன்னேற்றத்தின் கை கொடுத்தலை பட்டன் பயன்படுத்திக்கொண்டு அனாயாசமாக முன்னேறிக்கொண்டு இருந்தார் .

ஆறாவது சுற்று ...
செபாஸ்டியன் வெட்டல் மன நிலையை போல காரும் பதினோராம் இடத்திலிருந்து பின்னோக்கி போய்கொண்டு  இருந்தது . முன்வரிசையில் ரோஷ்பெர்க் - ஷூமேக்கர் இடைவெளி நீள தொடங்கியது ..

ஒன்பதாவது சுற்று ...

ரோஸ்பெர்க் தன்னுடைய இடைவெளியை நான்கு வினாடிகளாக அதிகபடுத்த ,எப்போதும் அவரை முந்தி செல்லும் ஷூமேக்கர் மிக பொறுமையாக பின்தொடர்ந்தார் .

பனிரெண்டாவது சுற்று ...

ஷூமேக்கர் பிட்லேன் டயர் மாட்டும்போது வலது முன்பக்க வீல் நட் சரியாக பொருத்தாததால் அதனை அதன் மெக்கானிக் Frantically படத்தின் இடது பக்கம் கையுறையுடன் சைகை செய்வது தெரியும் .ஆனால் இதை கவனிக்காது கிளம்பவே ட்ரம்மை விட்டு டயர் விலகவே ஷுமேக்கரின் நீண்ட இடைவெளிக்கு பிறகு ஒரு வெற்றி மீண்டும் கை நழுவியது .அவரின பயணம் முற்றுபெற்றது .

பதினைந்தாவது சுற்று ...
இந்த பாதிப்பு ஏதும் இல்லாத ரோஷ்பெர்க் தன்னுடைய அழகான பயணத்தை தொடர ..

பதினெட்டாவது சுற்று ..
எட்டாம் இடத்திற்கு  ரோமின்  க்ரோச்ஜீனும் - பெர்ஷும் வேக யுத்தம் செய்ய ,வெட்டல் தன்னுடைய சக்தியை திரட்டி பத்தாம் இடத்தை தொட சென்னா அவரை துரத்திக்கொண்டு இருந்தார் ..

இருபத்தி இரண்டு ...
மிக நீண்ட மாற்றங்களுக்கு பிறகு ரோப்ஷ்பெர்க் , பட்டன் .ஹேமில்ட்டன் ,வெப்பர்,ரெய்கொனான் ,அலோன்சா ,கோபயாஷி ,க்ரோச்ஜியன் .வெட்டல் ,பெரஸ் ,சென்னா ,மால்டோனா ,டி ரெஸ்டா, மாசா,வெர்ஜின் ,ஹுல்பெர்க் ,கொவளைனேன் ,ரிகார்டியோ ,பெட்ரோவ் ,கிளாக் ,சார்லஸ் பிக் ,ரோசா ,நம் கார்த்திகேயன் என வரிசை தொடர்ந்தது .

இருபத்தி ஆறு ...
வெட்டல் ,நீண்ட உத்வேகத்துடன் நான்காம் இடத்தை நோக்கி முன்னேறி  இருந்தார் ஆனால் இன்னும் அவரின இரண்டாவது நிறுத்தத்தை செய்யவில்லை .எனவே அந்த இடம் நிரந்தரம் இல்லை ,ஆனால் 11 ல் தொடங்கி,15 க்கு தள்ளப்பட்டு ,நான்காம் இடம் பிடிப்பது தொழில்நுட்ப சாத்யத்தினால் மட்டும் முடியாது .

முப்பது ...
மாசா வழிகொடுத்து தன்னுடைய அணியின் அலோன்சாவை முன்னேற செய்தார் .மூன்றாம் இடத்தை பிடிக்க முன்னேறிய வெட்டலை பின்னுக்கு தள்ளி பட்டன் மூன்றை தக்கவைத்தார் ,

முப்பத்தி நான்கு ...
நான்காம் இடத்திலிருந்த ஹெமில்ட்டனை நெருங்க முயற்சி செய்த வெப்பரின் ஆசை நிறைவேறவில்லை .மிகப்பெரிய தடுப்பாட்டமாக் ஹெமில்டனின் நகர்வு இருந்தது .Gate.

முப்பத்தி  எட்டு ..
பிட்லேன் சென்று வந்த ரோஷ்பெர்க் இரண்டாம் இடத்தில் தொடர பட்டன் இப்போது ரேஸ் லீடர் .அடுத்து மூன்றில் ,ஹேமில்டன் .இரண்டு இங்கிலாந்து வீரகளுக்கு இடையே ஒரு ஜெர்மானியர் .அதோடு வரிசையாக மூன்று மேர்சீடிஸ் எஞ்சின் உறுமல் சத்தத்தில் ஒருவிசயம் சொல்லப்பட்டது .ஆம். இந்த ஆண்டு எங்களின் ராஜ்ஜியம் - ரெனால்ட் இல்லை, என்பதுபோல ! ( பார்ப்போம் )

நாற்பத்தி இரண்டு
ஐந்தாம் இடத்திலிருந்த மாசா பிட்லேன் செல்ல ,அந்த இடத்தை கிமி ரைகொணன் பிடிக்க ..
அனைத்து அணிகளின் கவனம் பிட்லேன் தாமதத்தை தவிர்ப்பதுவும் , டயர்களின் மாற்றங்களில் போராட்டத்திலிருந்து தப்பிப்பது எப்படி என்பதிலேயே இருந்தது .

நாற்ப்பத்தி ஆறு ...
இப்போது எதிரிகளே இல்லாத குதிரைப்படை தலைவன் போல ரோஷ்பெர்க் இருபது வினாடிகள் வித்தியாசத்தில் தன் வெற்றியை நோக்கி பயணித்து கொண்டு இருக்க ..

ஐம்பது ...
இரண்டாம் இடத்தில் இருந்த வெட்டலை பின்னுக்கு தள்ள பட்டன் தன்னுடைய வேக பிரயோகத்தை கையில் எடுத்தார் .அவரை தொடர்ந்த ஹேமில்டன் பட்டனின் யுத்தத்தை பயன்படுத்தி கொள்ள பின்தொடர ,கிமி தன்னுடைய டயர் ஒத்துழைப்பு இல்லாது பின் தங்க, வெப்பர் ஐந்தாம் இடத்தை எளிதில் பிடித்தார் .இன்னும் ஆறு சுற்றுகளே மீதம்முள்ள நிலையில் முன்னணியில் அனல் பறக்க டயர்கள் தேய்ந்து கொண்டு இருந்தன ...

ஐம்பத்தி ஒன்று ..
வளைவில் முழு கவனமும் வெட்டளுக்கு இருக்கும்போது . பட்டன் சமயோகிதமாக ட்ராக்கின் வளைவின் உள்பகுதியில் அற்புதமான மெக்ளரனின் வேகத்தை பயன் படுத்தி முன்னேறி பாய்ந்து இரண்டாம் இடத்தை பறித்தார் ....

ஐம்பத்தி நான்கு  ...வில்லியம்ஸ் அணியின் மால்டோனாவும் , சென்னாவும் அருமையான வேக பாய்ச்சலை ஏற்படுத்தி பத்து இடத்துக்குள் தங்கள் அணியை தக்கவைத்துக்கொள்ள இறக்கு இன்றி பறந்து கொண்டு இருந்தது ,,,பெர்ராரியின் அலோன்சா தன்னுடைய எட்டாம் இடத்தை இழக்கும் அபாயம் துவங்கியது ..

ஐம்பத்தி ஐந்து ...
நான்காம் இடத்திலிருந்த ஹேமில்டன தன் சகா பட்டனின் நுட்பத்தை பயன்படுத்தி மீண்டும் வெட்டலை இன்னும் ஒரு இடம் பின்னோக்கி தள்ளி நான்காம் இடம் தள்ளினார் .மெக்ளரனின் என்ஜீனியர்கள் இந்த ஒரு கனத்தை உற்சாகமாக கொண்டாடினர் .

ஐம்பத்தி ஆறு ,கடைசி சுற்று ...

வெட்டலின் இந்த சறுக்கலை மெக்லரண் அணிமட்டுமல்ல உபயோகபடுத்தியது அவர் அணியின் மார் வெப்பரும்தான் .ஆம்.அவரும் வெட்டலை பின்னுக்கு தள்ளி முன்னேற -  இரண்டாம் இடத்தில் வந்துகொண்டு இருந்த வெட்டல் ஐந்து சுற்றுக்குள் ஐந்தாம் இடம் தள்ளப்பட்டுவிட்டார் .இந்த கோபம் கட்டாயம் அந்த இளம் ஜெர்மானிய வீரரின் மனதில் பதிந்து அடுத்த ரேசில் வெளிப்படும் என்பதில் சந்தேகமே இல்லை .கடந்த இரண்டு ஆண்டும் அவர் ரெட்புல் காரை மட்டுமே இயக்கினார் . இந்த ஆண்டு அவரையே அவர் இயக்க கற்றுக்கொண்டு வருகிறார் ...வாழ்த்துக்கள் வெட்டல் .

முதலாம் இடம் ..

மெர்சீடிசின் முதல் வெற்றி .நிக்கோ ரோஷ்பெர்க்குக்கும் இதுவே கன்னி வெற்றி .அருமையான வெற்றி ,இரண்டாவது வந்த ஜென்சனுக்கும் - ரோஷ்பெர்குக்கும் இடைவெளி  20.626 வினாடிகள் .ஏற்கனவே ஐந்து மொழிகளை அறிந்த ரோஷ்பெர்க் ஆறாவது மொழியாக வேகம் எனும் மொழியையும் அறிந்தார் .


இரண்டாம் இடம் ..

இங்கிலாந்தின் - மெக்லரண் மெர்சீடிசின் ஜென்சன் பட்டன் .மூன்று போட்டிகளில் 1 - 3 - 2 என போடியத்தில் தான் காலை பதித்து கொண்டே இருக்கிறார் .அவரின் வெற்றியை கொண்டாடும்காத்து  இருக்கிறது அவர் அணி மட்டுமல்ல அவரின இனிய காதல் தேவதை - Jessica Michibata வும்தான் .

மூன்றாம் இடம் ...

அதே அணியை சேர்ந்த லீவிஸ் ஹேமில்டன் .3 - 2 -3 என வது கொண்டு இருக்கிறார் .முதல் மூன்றி இடங்கள் நிச்சய வெற்றி என தாரக மந்திர உச்சாடனம் மெக்லரண் மெர்சீடிசின் கொள்கை போல .இந்த அணிதான் 88 புள்ளிகளுடன் முதலிடத்தில் உள்ளது .

நான்காம் இடம்..

இதை பற்றி இந்த முறை சொல்ல காரணம் ? நம் மார்க் வெப்பர்தான். கடந்த மூன்று போட்டியிலும் அவரே நான்காம் இடம் பிடித்து கொண்டார் .4 - 4 - 4 .இவரின் இந்த தொடர்ந்து மூன்று ரேஸ்களிலும் , வெற்றியின் புள்ளிகள் அணியின் இரண்டாம் இடத்தை தக்கவைக்க உதவுகிறது .அருமை வெப்பர்

இந்த போட்டியில், சஹாரா போர்ஸ் இந்திய அணி புள்ளிகளை பெறாமல் ஏமாற்றி விட்டது .

இந்த தாமத பதிவுக்கு காரணம் சொல்ல எனக்கே பிடிக்கவில்லை .ஆனால் காரணம் இருக்கிறது .நேரடி போட்டி தமிழக மின்சார பற்றாகுறையால் தவிக்க ,நான் ரேஸின் எதோ ஒரு பகுதியை மறு ஒளிபரப்புக்காக காத்து அறிந்து கொள்ள வேண்டுமாக  இருக்கிறது .

நான் தாமதம் .ஆனால் போட்டியன்றே இவர்கள் ஒய்யாரமாக நடந்து ரசிகர்கள் மனதில் கலவரம் மன்னிக்கவும் ஊர்வலம் வந்து போனார்கள் .

கலவரம் என்றவுடன் இப்போதைக்கு நினைவுக்கு வருவது நம் அடுத்த ரேஸ் நடக்க இருக்கும் Bahrain Grand Prix பல அரசியல் சூழலால் கலவர பூமியாக காட்சி அளிக்கிறது .இன்றைய முதல் பிசி போட்டியில் கலந்து கொண்ட நம் சஹாரா போர்ஸ் இந்தியா அணி இரண்டாவது பயிற்சி  போட்டியில் பாதுகாப்பின் பொருட்டு கலந்து கொள்ளவில்லை .சென்ற வருடம் இங்கு போட்டி கைவிடப்பட்டது எல்லோருக்கும் நினைவு இருக்கும் இங்கு சில கலவர காட்சிகளை பகிர்ந்து கொண்டுள்ளேன் ..

கலவரக்காரர்களை சமாளிப்பது எங்கள் பொறுப்பு என பஹ்ரைன் நிர்வாகம் பொறுப்பு எடுத்துள்ளது .ஆனால் இதை பார்முலா கூட்டமைப்பு மறு பரிசீலினை செய்திருக்கலாம் .மனதில் கலவரத்தோடு ஓட்டுபவர்களும் . ரசிகர்களும் எப்படி தன் மன உணர்வுகளை வெளிப்படுத்துவார்கள் என தெரியவில்லை .

மலேஷிய வெற்றி - பெர்ராரிக்கு உற்சாகம்

 

பார்முலாவின் வெப்பம் மலேஷ்யாவிர்க்கு பரவியது என்று நம் வலைப்பூவில் பதிவு செய்ததை நம் இந்திரன் படித்து விட்டார் போல ! மழையின் உற்சாக வரவேற்ப்புடன் , கடந்த 25 மார்ச் 2012 மலேஷ்யாவின் செபாங் இண்டர்நேஷனல் சர்க்யூட்டில் தொடங்கியது .

 அற்புதமான மற்றும் சவாலான களம் மலேஷ்யாவின்  செபாங் இன்டெர் நேசனல் சர்க்யுட்.    310.408 கி.மீ நீளமுள இந்த களத்தின் நீண்டநாள் வேக பதிவாளார் வில்லியம்ஸ் -பி எம் டபிள்யு வின் - கொலம்பிய தேசத்தின் - Juan Pablo Montoya .அற்புதமான வடிவமைப்பில் உலகின் சகலரையும் ஈர்க்கும் களம்

முதல் இரண்டு கார்கள் மெக்ளறேன் மேர்சீடிஸ் கார்களின் லீவிஸ் ஹெமில்டனும் ,ஜென்சன் பட்டனும் தலைமை தாங்குவதுபோல காத்திருக்க ,அடுத்து முதன்முறையாக மெர்சீடிசின் மைக்கேல் ஷூமேக்கர் மூன்றாவது இடத்திலும் ,நான்கில் மார்க் வெப்பரும், ஐந்தில் செபாஸ்டியன் வெட்டலும் ,ஆறில் ரோமின் க்ரோச்ஜியன் ,ஏழில் நிக்கோ ரோஷ்பெர்க்கும் ,எட்டில் பெர்னாண்டோ அலோன்சா ,ஒன்பதில்
செர்கியோ Péரெழ் ,பத்தில் கிமி ரெய்கொணன் .ஏன் இவ்வளவு பெரிய இட விளக்கம் என்றால் , எப்போதும் போல முன்வரிசையில் இருப்பவர்கள் செய்ததை விட பின்வரிசையில் அதாவது ஆறாம் இடமும் ,  எட்டாம் இடம் கவனிக்க தகுந்தது .புதிரின் விடையை பார்ப்போம் ..

முதல் சுற்று ...
லீவிஸ் ஹெமில்டனின் மெக்லரன் அருமையான துவக்கத்தை செய்தார் .ஜென்சன் பட்டன் வேறு ஒரு யுக்தியை பயன்படுத்தி முன்னேற அனைத்து கார்களும் ட்ராக்கின் நடுப்பகுதியை நோக்கி முன்னேறும் என்பதால் அவர் ட்ராக்கின் வெளிப்புறமாக முன்னேறினார் .இதனிடையே மூன்றாம் இடத்தை நோக்கி லோட்டஸ் ரெனால்ட்டின் ரோமின் கோர்ச்ஜியன் பாய்ந்து செல்ல அந்த அதனை மார்க் வெப்பர் தக்கவைதுகொண்டார் .

அதே சமயம் மூன்றாம் இடத்தை இழந்த மைக்கேல் ஷூமேக்கர் மிகவும் மோசமான துவக்கத்தை செய்ய ,அவருக்கு பின்னால் வந்த ரோமின்  கோர்ச்ஜியன் - ஷூமேக்கரை ஒரு தட்டு தட்டி காரை முழு சுற்று ,சுற்றவிட்டார் .நல்லவேளை யாருக்கும் ஒன்றும் ஆகவில்லை .பதினாறாம் இடத்திற்கு தள்ளப்பட்டார் .

இரண்டாம் சுற்று ...
மழையின் சீற்றம் அதிகரிக்கரிதது .அனைத்து அணிகளின் பிட் லேனும் டயர் மாற்ற வரும் கார்களுக்காக காத்திருக்க ஆரம்பித்து ...

மூன்றாம் சுற்று ...

மீண்டும் ஒரு சோதனை ரோமின் கோர்ச்ஜெஈனுக்கு நடந்தது .ஐந்தாவது வளைவில் ட்ராக்கின் ஓரத்தின் சரளை கற்கள் மேல் பாய்ந்தது .பிறகு வரவில்லை .( ஒரு வேலை ஷூமேக்கரின் கோபமோ ? )

ஆறாம் சுற்று..
முன்னணியில் இருந்த ஜென்சன் டயர் மாற்ற வந்தார் .அடுத்து அலோன்சா ,நிகோ ரோஷ்பெர்க் என பிட் லேன் நிரம்ப தொடங்கியது .டயர் மாற்றிய ஜென்சன் பிட் லேனை விட்டு ட்ராக்கில் இணையும்போது அவருக்கு முன் பத்தாம் இடத்தில் ஷூமேக்கர் .எந்த ஒரு முகாந்திரமும் இல்லாமல் ,சிறு போட்டி கூட இல்லாமல் ஜென்சன் கார் பறந்தது .தொழில்நுட்ப வளர்ச்சியில் மேக்ளறேன் அணியின் சவால் புரிகிறது .

ஏழாம் சுற்று ....
மழை வலுக்கவே ,அப்போது ஜென்சன் தன்னுடைய அணிக்கு ஒரு ஏரிக்குள் மிதந்து செல்வது போல இருப்பதாக அனுபவத்தை பகிர்ந்து கொண்டார் .இதை வர்ணனையாளர்களும் ரசித்தார்கள் .
சேப்டி கார் தன் கடமையை செய்ய வந்தது ,இப்போது மீண்டும் ஹேமில்டன் முதலிடத்தில் தொடர அடுத்து ,ஜென்சன் , பெரேஸ் , வெப்பர், அலோன்சோ , வேட்டல் , வேர்க்னே , மாசா, ரோச்பெர்க் மற்றும் நம் நாராயண் கார்த்திகேயன் என சேப்டி காரை தொடர ..
ஒன்றன் பின் ஒன்றாக தொடரும் வண்டிகள்கூட தெளிவாக தெரியவில்லை அவ்வளவு மழை !

ஒன்பதாவது
மழை மேலும் அதிகரிக்க ,சிவப்பு கொடியாசைக்கப்பட்டு தற்காலிகமாக போட்டி நிறுத்தப்பட்டது .

  பத்தாம் சுற்று ...
51 நிமிடம் வரை போட்டி நிறுத்தப்பட்டது . பிறகு மழையின் கோபம் குறையவே - மெர்செடெஸ் பென்ஸ் C63 AMG Estate Official F1 மெடிக்கல் கார் ,கள பரிசோதனை செய்தது .பிறகு மெர்செடெஸ் பென்ஸ் SLS AMG Official F1 சேப்டி கார் பத்தாம் சுற்று முதல் - பதிமூன்று சுற்று வரை கார்களை ஊர்வலம் போவது போல அழைத்து சோதித்து விலகியது .

பதினைந்தாம் சுற்று ...
பட்டன் ,ரோஷ்பெர்க் ,இப்போது முன்வரிசை காலியாகவே சாபர் அணியின் செர்கியோ பெரஸ் இரண்டாம் இடத்தை தொடர்ந்தார் .இது ஒரு மாற்றத்தை உருவாக்கியது.இப்போது ஆலோன்சாவும் ,ஹெமில்டனும்,வெட்டலும் பிட் லேன் வரவே ஒரே களேபரமாக பிட் லேன் மாறியது .
ஹேமில்டன் கார் மெதுவாகவே பிட்லேனை விட்டு வெளியேறியது .

பதினேழாம் சுற்று ...

ஜென்சன் பட்டன் எதிர்பாராவிதமாக நம் நாராயண் கார்த்திகேயன் காரின்  பின்பகுதியில் மோதி தன்னுடைய பிரன்ட் விங்கை ( Front wing) சேதப்படுத்திகொண்டார் .எனவே மீண்டும் பிட்லேன் திரும்பி தன் இரண்டாம் இடத்தை இழந்தார்.அவர் பத்தொன்பதாம் இடத்தையே தொடர வேண்டியாதாகிவிட்டது .இந்த தருணத்தை பயன்படுத்திகொண்ட செர்கியோ பெரஸ் பிட்லேன் வந்து விரைவாக திரும்பி அலோன்சாவை பின்தொடர்ந்து தன்னுடைய இரண்டாம் இடத்தை தக்வைத்துகொண்டார் .

இந்த இடம்தான் போட்டியினை பற்றி நாம் ஆரம்பிக்கும்போது சொன்ன புதிர் (அதாவது ஆறாம் இடமும் ,  எட்டாம் இடம் கவனிக்க தகுந்தது .) அத்தனையும் மாறியது இப்போது ,ஆம் .முதலிடத்தில் தொடருவது அலோன்சா ,அடுத்து செர்கியோ பெரஸ் ,மூன்றாம் இடத்தில் ஹேமில்டன் .

இருபத்தி ஒன்று ...
ரோச்பெர்கின் நான்காம் இடத்தை வெட்டலும் , கிமி Räikköனேன் பறிக்க முயல மிக பெரிய வேக யுத்தம் நடத்தி கொண்டுஇருக்க ..இந்த சமயத்தில் DRS - (Drag Reduction System) அனுமதிக்கப்பட்டது .

இருபத்தி மூன்று ...
ரோச்பெர்கை, தன்னுடைய DRS  அஸ்திரத்தை பயன்படுத்தி , நான்காம் இடத்தை பிடித்தார் செபஸ்டியன் வெட்டல் .

இருபத்தி நாலு ...
ஒரு சிறப்பான முயற்சியை செர்கியோ பெரஸ் செய்தார் .முதலிடத்தின் அலோன்சாவை முந்திசெல்ல முயல ,பெர்ராரி கிடைத்த இடத்தை கொடுக்குமா ? ஒரு பிடி பிடித்தார் அலோன்சா ! அதிவேக பதிவு அது .

முப்பதாவது சுற்று ..
 வெட்டல் நான்காம் இடத்தில் ஹெமில்டனுடன் எட்டு வினாடிகள் வித்தியாசத்தில் வந்துகொண்டு இருதார் ..

அதே சமயம் பனிரெண்டாம் இடத்தில் வந்து கொண்டு இருக்கும் ஷூமேக்கரை மிக சாதாரணமாக கமுய் கொபயாசி முந்தி சென்றார் .இதே நிலை இருபத்தி ஆறாம் சுற்றில் ரோச்பெர்க் வெப்பரிடம் அனுபவித்தார் .ஆம் மேர்சீடிஷில் எதோ மிக பெரிய விஷயம் பின்தங்கி இருக்கிறது .இங்கு நடப்பதை பார்த்தால் அதை ஒத்து கொள்வதுபோல தெரிகிறது .இது டிரைவர்களின் மனநிலையை பெரிதும் பாதிக்கும் .

முப்பத்தி ஐந்து ..
பட்டன் 17 ஆம் இடத்திலிருந்து மாசாவை பின்னுக்கு தள்ளி 16 ஆம் இடம்பிடித்தார் .

முப்பத்தி ஏழு ...
மீண்டும் மாசாவை டேனியல் ரிக்கர்டியோ பின்னுக்கு தள்ளினார் .

நாற்பத்தி இரண்டு ...

ஆண்ட்ரியன் சென்னா ,பால்டி ரெஸ்டா ,ஷூமேக்கர் ,மால்டோனா அனைவரும் பிட்லேனில் .கடைசி செட் டயர் பொருத்திக்கொண்டு இருந்தார்கள் .
மழை மீண்டும் வரவா? என காற்றிடம் விசாரித்து கொண்டு இருந்தது !.

நாற்பத்தி ஆறு ...

சாபர் அணியின் கமூய் கோபயாஷி ப்ரேக் பெய்லியர் ஆனதால் தனது போட்டியை தொடர முடியாமல் கைவிட வேண்டியதாகிவிட்டது

நாற்பத்தி எட்டு ..

ஹேமில்டன் இடத்தை பிடிப்பதில் வெட்டல் தீவிரமாக 2.8 வினாடி வித்தியாசத்தில் பிடிக்க முயல ,மோசமான ஒருவிசயம் அங்கு நடந்தது , நாராயண் கார்த்திகேயன் கார் ,வெட்டலின் காரின் இடது பின்பகுதி டயரில் மோதி பஞ்சர் ஆகிவிட்டது மூன்றாம் இடத்தை எளிதாக பிடிப்பார் என எண்ணிக்கொண்டு அணி காத்திருக்க ஏமாற்றம் ஆகிவிட்டது .இதற்காக கார்த்திகேயன் கார் பெனால்டி அனுபவித்தது .ஆனாலும் ஜெர்மன் சதோரர் ,வெட்டல் இந்த நிகழ்வை மிகமோசமாக வருணித்தார் .

 "He was off the track. In my view, it was over. As in real life, there are a few cucumbers on the road"

வெட்டல் நீங்கள் இன்னும் நிறைய சாதிக்க வேண்டும் என இந்தியர்கள் அனைவரும் ஆசைப்படுகிறோம் .ஆனால் இந்த விமர்சனம் .எங்களை வருந்த வைக்கிறது .

 ஐம்பதாவது சுற்று ...

முதலிடத்தில் தொடரும் ஆலோன்சாவுக்கும் .இரண்டாம் இடத்தில் அவரை தொடரும் பெர்ஷுக்கும் இடைவெளி ஒரு வினாடியாக குறைந்தது .மழை பெய்த களம் இவர்களிருவரின் வேகத்தால் வெப்பத்தை மீதும் பெற்றது .இவர்களை தொடர்ந்த ஹேமில்டன் ,வேட்டலின் துறத்தல் இல்லாததால் நிம்மதியாக தொடர்ந்தார் .

இந்த சமயத்தில் முன்வரிசையில் இரண்டாம் இடத்தில் இருந்த பெரஸ் கார் 14 ஆம் வளைவில் வரும்போது ,சட்டென பாதை விலகி நல்வேளை நிலைமை சுதாரித்து தன்னிலையை மீண்டும் பெற்றார் .அருமையான டிரைவ் .

ஐம்பத்தி இரண்டு ...

பனிரெண்டாம் இடத்திலிருந்த வெட்டல் மிக பெரிய வேகத்துடன் புள்ளி பட்டியலில் தான் பங்கை பதிவு செய்ய எத்தனித்து கொண்டு இருந்தார் .நான்காம் இடத்தில் அவருடைய அணியின் வெப்பர் நான்காம் இடத்தில் வலுவாக இருபது அணிக்கு ஆறுதல் .

ஐம்பத்தி நான்கு ..

 பத்தாம் இடத்திலிருந்த ,வில்லியம்சின் - பாஸ்டர் மல்டோனடோ எஞ்சின்  பிரச்சனை ஏற்படவே அவரை தொடர்ந்து வந்த ஷூமேக்கருக்கு பத்தாம் இடம் மிக எளிதாக கிடைத்தது .அதே சமயத்தில் ரோஷ்பெர்க் பதினைந்தாம் இடத்தில் போராடிக்கொண்டு இருந்தார் .

ஐம்பத்தி ஐந்து ...
இண்டாம் இடத்தில் தொடர்ந்த பெரஸ் தன்னுடைய நிலையை சரிசெய்து ஆலோன்சாவின் இடைவெளியை 2.7 வினாடிகளில் பாதுகாத்து கொண்டார் .

ஐம்பத்தி ஆறு, இறுதி சுற்று ...

முதல் இடம் .

எந்த மாற்றமும் இன்றி , பெர்ராரியின்- ஸ்பானிஷ் தேசத்தின் டிரைவர் பெர்னாண்டோ ஆலோனசா முதலிடத்தினை படித்தார் .இவர் ரெனால்ட் அணியிளிருந்தபோது ( 2003 - 2006 ,2008 - 2009 ) 2005 மற்றும் 2006 ல் உலக சாம்பியன் .இப்போது பெர்ராரியில் 2010 ஆம் ஆண்டிலிருந்து இருக்கிறார் .2010 ல் இரண்டாம் இடமும் , சென்ற ஆண்டில் நான்காம் இடமும் வந்தார் .இந்த வருடத்தின் முதல் வெற்றி இது .ஏற்கனவே இருபத்தி ஏழு வெற்றிகளை பதிவு செய்துள்ளார் .இந்த களத்திற்கும் பெர்னான்டோ ஆலோன்சாவிர்க்கும் ஒரு ராசி உண்டு .ஆம் கடந்த 2005 ல் ரெனால்ட் அணியில் இருந்தபோதும அடுத்து 2007 ல் மேலரண் மெர்சீடிசில் இருந்தபோதும் ,அதர்க்கு அடுத்து இந்த ஆண்டு பெர்ராரியில் இருக்கும்போதும் வெற்றி பெற்றுள்ளார் .


இரண்டாம் இடம் ..

சாபெர் பெராரியின் - செர்கியோ பெரஸ் .சென்ற ஆண்டில் இந்த அணி மூலம் F 1 க்குள் அடியெடுத்து வைத்தவர் .சென்ற ஆண்டில் 14  புள்ளிகள் எடுத்து 16 ஆம் இடத்தை பிடித்தார் .இந்த ஆண்டு மிக சிறந்த துவக்கம் .அது மட்டுமல்ல ஒரு மெக்சிகன் டிரைவர் போடியம் ஏறுவது இதவே முதல் முறையாகும் ,அந்த நாடே கொண்டாடும் வெற்றி இது .

மூன்றாவது இடம் .

நம் இங்கிலாந்து தேசத்தின் லீவிஸ் ஹேமில்டன் .மேக்ளரேன் மெர்சிடிஸ் அணி மூலம் 2007  F1 க்குள் அறிமுகமானவர் .2008 ல் உலக சாம்பியன் .இது அவரின 44 ஆவது போடியம் வெற்றி .

இந்த முறை சஹாரா போர்ஸ் இந்திய அணி ஏழாம் , மற்றும் ஒன்பதாம் இடத்தையும் தக்கவைத்து கொண்டது குறிப்பிட வேண்டிய விஷயம் .

நியுட்டன்ஸ் விதி (சரியாக படிக்காததால்!)

 கார்களின் வெப்பத்தை மழை தனித்து .காணவந்த ரசிகர்கள் மனது - மலேஷ்யாவின் மங்கைகளால் வெப்பமானது .சரியாக படிக்கவில்லை என்றால் நியுட்டன்ஸ் விதியை தவறாக புரிந்துகொள்ள வாய்ப்பு இருக்கிறது ஒவ்வொரு வெப்பத்தையும் , தனிக்கும்போது அதர்க்கு சமமான எதிர்வெப்பம் உருவாகும் என்பதாக !


ஒரு தலைப்பு செய்தி ,ஆனால் கடைசியில் !.

நண்பர் சுகுமார் ( "Sugumar Je" <sugumarje@gmail.com> Caricaturist ) மீண்டும் ஒரு அருமையான வலைப்பூ தளவடிவமைப்பு,புதிய சேர்க்கைகளுடன்  தந்திருக்கிறார் .அவருடன் பள்ளித்தோழனாக நான் இருக்கும்போது ( 1984 - 85 ) அவரும் நானும் திண்டுக்கல் நேருஜி நினைவு மேல்நிலைப்பள்ளி - அருகில் உள்ள குமரன் பூங்காவில் உட்கார்ந்து திண்டுக்கல் மலைக்கோட்டை மற்றும் அங்கு ஏதாவது காட்சியை படம் வரைவார். அதர்க்கு நான் கவிதை ! எழுதுவேன் . இன்றும் அவருக்கு படம் வரைவது தொழில் ,எழுதுவது ( கணக்கு ) எனக்கு தொழிலாகி விட்டது .இதைத்தான் “The Secret” புத்தகத்தில்“You can have anything that you want”. அதனை எழுதிய Rhonda Byrne சொல்கிறார்போல !