லீவிஸ் ஹெமில்டன் -

பயிற்சி போட்டியிலும் சரி .தகுதி சுற்றிலும் சரி நான் தாமதமாக இந்த பதிவை பதிவு செய்வேன் என்பதை அறிந்தோ ரெட்புல்லின் - செபாஸ்டியன் வெட்டலே சகல இடத்திலும் முதலிடம் .அதுமட்டுமல்ல 107% நேர
நிர்ணயத்தையும்( 1:43.317  ) அவரே முடிவு செய்தது மேலும் ஒரு சாதனை .

 முதல் சுற்று..
வழக்கம் போல முதலிடத்தில் இருந்த செபாஸ்டியன் வெட்டல் அதிவேகத்தில் பாய ,அவரை தொடர்ந்த மார்க் வெப்பர் பாய இவர்களிருவரையும் மூன்றாம் இடத்து லீவிஸ் ஹெமில்ட்டன் துரத்த ஆரம்பம் அதிரடியாக இருந்தது.

2 ஆம் சுற்று
மைக்கேல் ஷுமேக்கர் கார் 5 ஆம் இடத்தில் வேகம் மிக போராடி கொண்டுஇருந்தார் .முடியவில்லை.7 ஆம் இடமே தக்கவைத்துகொண்டார்.

4 ஆவது சுற்று
ஹெமில்ட்டன் சரியான சயத்தில் வெப்பரை பின்னுக்கு தள்ளி 2 ஆம் இடத்தை சுவீகரித்தார்.

6 ஆவது மீண்டும் ஒரு பிரச்சனை ஷுமேக்கருக்கு டயர் வெப்பம் அதிகரிக்க இப்போது 9 ஆம் இடம்.

8 ஆம் சுற்று .
ரோமின் க்ரோஜியன் காரில் ப்ரேக் பிரச்னை
11 ஆம் சுற்று
பத்தாம் இடத்தில யாருடனும் வம்பு செய்யாமல் சென்று கொண்டு இருந்த ஷூமேக்கரின் காருடன் 11 ஆம் இடத்திலிருந்த ஜென்சன் பட்டனின் கார் வீலோடு - வீல் இரண்டு முறை உரசினார் .

14ஆம் சுற்று ..
STR பெராரியின் ஜீன் எரிக் வெர்ஜின் சஸ்பென்சன் பிரச்னையால் வெளியேறியது .
முன் வரிசையில் வெட்டலின் வேகம் அதிகரித்தது - காரணம் ரெட்புல்லை விடவும் Straight Line Speed மெக்லரண் சுமார் 20 கி.மீ வேகம் அதிகம் .அதற்கு உதவியாக களமும் சாதகம் என்பதால் வேட்டலின் பதஷ்டம் நியாமானது .

16 ஆம் சுற்று
வேட்டல் மேலும் டென்சன் ஆகலாம் .காரணம் இப்போது அவர் அணியின் மார்க் வெப்பரின் கார் ஆல்டேர்நெட்டேர் பிரச்சனையால் வெளியேறியது .

18 ஆம் சுற்று
மெக்ளரனின் Straight Line Speed ஐ விட வில்லியம்சின் புருனே சென்னாவின் கார் பறந்தது ஜென்சன் பட்டனை பின்னுக்கு தள்ளியது .
21 ஆம் சுற்று ..
ஹேமில்டன் டயர் மாற்றம் வர ,அவரை தொடர்ந்து அலோன்சா ..முறையே 3 ஆம் - 5 ஆம் இடத்தில மீண்டும் இருவரும் தொடர ..

25 ஆம் சுற்று
கிமி ரைகொணன் டயர் மாற்றி 6 ஆம் இடத்தில மீண்டும் .

முதலிடத்து யுத்தம் தொடர் கதையானது ..42 ஆம் சுற்று வரை .
இப்போது ஹேமில்டன் முதலிடம் .மெக்ளரனின் Straight Line Speed வென்று விட்டது .

இதை பற்றி வெட்டலின் அணியுடனான விமர்சனம் ." மிக மோசமான அதேசமயம் முட்டாள்தனமான Overtaking "இது என்றார்
50 ஆம் சுற்று
இந்த போட்டியில் தன சாம்பியன் தேர்வுக்கான புள்ளியை உறுதி செய்யும் முயற்சியில் மீண்டும் வெட்டல் ஹெமில்டனை துரத்த இப்போது இடைவெளி 1.2 வினாடியானது .

56 ஆறாவது இறுதி சுற்று ..
அமெரிக்காவின் ஃபார்முலா 1 போட்டி மேடை மூண்டு உலக சாம்பியன்களின் வருகையை விரும்பியது போல .

முதல் இடம் மெக்லரண் மெர்சீடிசின் - லீவிஸ் ஹெமில்டன் .(2008 சாம்பியன் )

இரண்டாவது இடம் .
ரெட்புல்லின் - செபாஸ்டியன் வெட்டல் .(2010 -2011 சாம்பியன்)

மூன்றாவது இடம் ..
ஃபெராரியின் - பெர்னாண்டோ அலோன்சா .(2005 - 2006 சாம்பியன்)

 அடுத்த போட்டி ஃபார்முலா 1 ன் இறுதி போட்டி .அது பிரேசிலில் கடந்த 25.11.2012நடைபெற்றது அதில்தான் நமது உலக சாம்பியன் முடிவு செய்யபட்டார் அதை அடுத்த பதிவில் பார்ப்போம் ....

அபுதாபி - கிமி ரைகொணன்

கடந்த நவம்பர் 4 ஆம் தேதி, அபுதாபியின் -  அழகிய யாஷ் மெரீனா சர்க்யூட்டில் நடை பெற்றது .இது இந்த ஆண்டின் 18 ஆவது சுற்று போட்டி .இந்த போட்டியில் அனேகமாக ஃ சாம்பியன்ஷிப்பை பெரும் அணி தீர்மானிக்கப்பட்டுவிடும் அது ரெட்புல் ரெனால்ட் என்பது மாற்று கருத்து இல்லை .ஆனால் டிரைவர்களுக்கான ஃ சாம்பியன் யார் என்பது அடுத்து நடக்க இருக்கும் (18 - நவம்பர் FORMULA 1 UNITED STATES GRAND PRIX )போட்டியில் ஏறக்குறைய தீர்மானிக்கப்பட்டுவிடும்

யாஷ் மெரினாவின் பயிற்சி போட்டி ..
முதல் பயிற்சி -மெக்லரண் மெர்சடீசின் லீவிஸ் ஹேமில்டன் .
2 ஆவது பயிற்சியில் - ரெட்புல் ரெனல்டின் -செபாஸ்டியன்  வெட்டல் .
3 ஆவது பயிற்சி போட்டியில் - மீண்டும் லீவிஸ் .

யாஷ் மெரினாவின் தகுதி போட்டி ..
Q 1- 107% நேர நிர்ணயம் செய்தவர் அதே -மெக்லரண் மெர்சடீசின் லீவிஸ் ஹேமில்டன் .முதலிடம் .
Q 2 -இரண்டாவது தகுதியிலும் - லீவிஸ் ஹேமில்டன் .

Q 3 - உண்மையில் இந்த சுற்றில் முதலிடம் பிடித்தது , ரெட்புல் ரெனல்டின்-செபாஸ்டியன்  வெட்டல் .ஆனால் லீவிஸ் ஹேமில்டன் முதலிடம் .

ஆனால் , மூன்றாவது போட்டியின் முடிவில் அவருடைய காரின் எரிபொருள் மாதிரி தருவதில் சிக்கல் ஏற்படவே அதிலும்  லீவிஸ் ஹேமில்டன் முதலிடம் .

இரண்டாவது இடத்தில ரெட்புல் ரெனல்டின்- மார்க் வெப்பர் .
மூன்றாவது , வில்லியம்சின் - பாஸ்டர்  மல்டோனடோ .

முதல் சுற்று ..
லீவிஸ் ஹேமில்டன் அபாரமான துவக்கத்தை தந்தார் .
மூன்றாம் சுற்று ..
                                 கடைசி இடத்தில துவங்கிய ரெட்புல்லின் வெட்டல் மிக அசூரத்தனமான வேகத்தை காட்டினார் .அது 24 ஆம் இடத்திலிருந்து  18 ஆவது இடத்தை நோக்கி இழுத்துவந்தது .ஆனால் வலது புற விங் சேதமடைந்தது .ஒரு வேலை மீண்டும் ரேசில் கலந்து கொள்ள வருவாரா வெட்டல் என்ற சந்தேகத்தை தீர்த்து மீண்டும் ,மீண்டு வந்தார் .
நான்காம் சுற்று ..
வெட்டலின் வேகம் நேரம் ஆக ,ஆக வெறித்தனமாக இருந்தது என்றே சொல்லலாம் இப்போது 16 ஆம் இடம் .
ஐந்தாம் சுற்று
வெட்டல் இப்போது 14 ஆம் இடம் .
 ஏழாவது சுற்று ..
கடைசி பரிட்சை

அது போல மோதல்கள் துவங்கின .ஃபோர்ஸ் இந்திய அணியின் இரண்டு கார்களும் ,புருனே சென்னா ,ரோமின் க்ரோஜியன் ,நிக்கோ ரோஷ்பர்க் என மோதல்களின் பட்டியல் நீண்டு விட்டது .18 ஆவது ரேசில் இப்படி போட்டி போட்டு கொள்ள பல காரணம் அணிகளின் புள்ளி பட்டியலில் இணைத்துகொள்வது ,டிரைவர்கள் அடுத்த அணிக்கு தாவும்போது கௌரவத்தை பெற ..என இருந்தாலும் இதெல்லாம் ஏதோ முதல்முறையாக பப்ளிக் எக்ஸாம் சந்தித்தவன் கடைசி பரிட்சையாவது நன்றாக பண்ணவேண்டும் என்ற ஆர்வத்தைப்போல நடந்துகொள்ள தொடங்கியது போல இருக்கிறது .
முதல் சுற்றில் ,போர்ஸ் இந்தியாவின் நிக்கோ ஹுல்கேன்பர்க் ,வெளியேறினார். ஏழாவது சுற்றில் நிக்கோ ரோஷ்பெர்க் .நமது நாராயண் கார்த்திகேயன் என பட்டியல் துவங்கியது ..

பதினேழாவது சுற்று ..
மீண்டும் க்ரோஜியனுடன் முந்திசெல்ல முயன்ற வெட்டல் ட்ராக்கை விட்டு வெளியேறி கட்டுப்பாட்டை இழந்து   முயன்று . முடியாமல் ஓர சுவரில் மோதியது வெட்டலின் கார் .மீண்டும் பிட்ளேன் .மீண்டும் 21 ஆவது இடம் .சரிதான் இன்று வெட்டல் தனக்காக போராடிக்கொண்டு இருக்கிறார் .அணி ஏற்கனவே சாம்பியன் ஆனால் டிரைவர் சாம்பியன் அலோன்சாவுக்கு போய்விடக்கூடாதே !


பத்தொன்பதாவது சுற்று ..
முதலிடத்தில் அற்புதமான வேகத்தில் இருந்த மெக்லரண் மெர்சடீசின் லீவிஸ் ஹேமில்டன் காரில் எரிபொருள் அழுத்த குறைபாடு .கார் களத்தை விட்டு மெல்ல வெளியேறியது .சூழ் நிலை மெல்ல  இப்போது முதலிடத்தில் லோட்டசின் - கிமி ரைகொணன் முதலிடம் .

21 ஆம் சுற்று ..
மூன்றாம் இடத்தில இருந்த அலோன்சா இப்போது பாஸ்டர் மல்டோனாவை மூன்றாம் இடத்திற்கு தள்ளினார் .

23 ஆவது சுற்று ..
இப்போது மூன்றாம் இடத்து மல்டோனாவை வேப்பர் முந்த முயன்று மோதிகொண்டார் .நல்லவேளை ஒரு சுற்று சுற்றி பழைய படி கார் ட்ராக்கில் ..

26 ஆவது சுற்று ..
மீண்டும் இப்போது வெப்பர் மாசாவின் காரின் டயருடன் - டயர் உரசினார் ..
பின் வரிசையிலும் அநேக கார்கள் கடிவாளம் இல்லாத குதிரைகளாக உரசுவதும் ,மோதுவதுமாக கடந்து கொண்டு இருந்தது

31 ஆவது  சுற்று ..
இப்போது தன்னை தொடரும் வெட்டளுக்கு  வெப்பர் வழிகொடுக்காமல் தவிர்த்து பிட் லேன் வந்தார் .

 
39 ஆவது சுற்று க்ரோஜியன் - பெரஸ் மோதலில் குழம்பிய க்ரோஜியன்  கார் நேரடியாக வெப்பரின் காரில் இடது டயரை பிடுங்கியது .இரண்டு காரும் வெளியேறியது .இந்த மோதலை ஏற்படுத்திய பெரசுக்கு 10 வினாடிகள்                ஃ பெனால்டி என்பதாக நிறுத்தி அனுப்ப பட்டது.

உற்சாக பானம் தயாரிக்கும் கம்பனி ரெட்புல் என்பதை வெட்டல் வேகத்தில் தெரிகிறது .அற்புதமான வேகம் .மிரளவைக்கிறது .இந்த  ஆண்டுக்கு பிறகும் ரெட்புல்லின் சாம்பியன்ஷிப் பயணம் தொடரும்போல தெரிகிறது .ரெட்புல்லின் சுலோகம் பானங்களின்  ' Red Bull's Not the Only Thing That Gives You Wings என்பது உண்மைதானோ !

44 ஆவது சுற்று ..
நான்காம் இடத்து வெட்டளுக்கும் - மூன்றாம் இடத்து பட்டனுக்கும் இடையே போராட்டம் வலுப்பெற்றது .இடைவெளி 0.584 வினாடிகள் ஆனது .
 இதே போல முதலிடத்து ரைக்கொணன் - இரண்டாம் இடத்து ஆலோன்சாவிர்க்கு இடையேயுள்ள யுத்தம் 3 வினாடிகள் வித்தியாசத்தில் தொடர்ந்தது .ஆலோனாவின் செயல்பாடு அற்புதமாக இருந்தது .
 52 ஆவது சுற்று வெட்டல் தன்னுடயான அற்புதமான செயல்பாட்டில் ஜென்சன் பட்டனின் மூன்றாவது இடத்தை பறித்தார் .இப்போது அலோன்சாவுக்கு நெருக்கடி

54 ஆவது சுற்று ஆலோன்சாவிடம் ஒரு தீவிர வேகம் வெளிப்பட்டது .எப்படியும் முதலிடம் வந்து விடும் என்பது ,காரணம் இப்போது ஒரு வினாடி இடைவெளி மட்டுமே இருந்தது ,
மொத்தம் 17 கார்கள் மட்டுமே போட்டியில் இருந்தது ...

55 ஆவது - கடைசி  சுற்று .
திரைப்படத்தின் உச்சகட்ட காட்சியைப்போல ரைகொணன் - அலோன்சா வேக யுத்தம் முடிவுக்கு வந்தது 55 சுற்றுக்களை விட இன்னும் சுமார் நான்கு சுற்றுகள் அதிகம் இருந்திருந்தால் கூட முடிவுகள் வேறுமாதிரியாக இருந்திருக்கலாம் !

 முதலிடத்தில் ..
கிமி ரைகொணன் .
கடந்த 2009 ஆம் ஆண்டு  போட்டியில் முதலிடம்  வந்ததர்க்கு பிறகு இதுவே  முதலிடம் ( 2010 - 2011 எந்த போட்டியிலும் பங்குபெறவில்லை )

 இரண்டாவது இடம் ..

ஃ`பெர்னாண்டோ அலோன்சா 0.8 வினாடிகள் வித்தியாசத்தில்.முதலிடம் பறிபோனது, பெரிய விஷயம் இல்லை அடுத்த போட்டியாளர் வெட்டல்  மிக அருகில் 10 புள்ளிகள் முன்னணியில் இருக்கிறார் .

மூன்றாவது இடம் ..

செபாஸ்டியன் வெட்டல் - இந்த ஆண்டில் ரெட்புல்லின் சாம்பியன்ஷிப்பை வாங்கி தந்துவிட்டார் .ஆனால் தன்னுடைய சாம்பியன்ஷிப் புள்ளிக்காக  போராடிக்கொண்டு இருக்கிறார் .

            அடுத்த அமெரிக்காவின் கரண்ட் பிரிக்ஸ் இரவு இந்திய நேரப்படி நள்ளிரவு ..
                  ஆனால் முடிந்த அந்த போட்டியின் பதிவை வரும் பிரேசில் போட்டியுடன் பதிவு செய்யும் நிலை வந்து விட்டது .

இந்திய ஃபார்முலா 1 - நூறாவது பதிவு ..

நூறாவது பதிவு ..
கடந்த மூன்று  ஆண்டுகளுக்கு முன், இந்தியாவில் ஃபார்முலா 1 ரேஸ் நடக்க போகிறது என்ற விஷயத்தை அறிந்து - பதிவுலகத்தில் என்னை அறிமுகபடுத்தி கொண்டு, நண்பர் சுகுமாருடன் கைகோர்த்துக்கொண்டு ஆரம்பித்த பயணம் இது ..இன்று அதே இந்திய மண்ணின் இரண்டாவது போட்டியில் - 100 ஆவது பதிவில் நிற்கிறது . பல இழப்புகளை கடந்து இந்த பதிவு பயணம் தொடர்ந்தாலும் என் ஆசை ஒரு முழு வடிவம் இந்த பதிவுகள் அடைந்து இருப்பதாக நான் நினைக்கவில்லை .எழுத வேண்டியது என் பின்னே - என்னை துரத்தி கொண்டே இருப்பதை என்னால் உணர முடிகிறது .

இந்திய ஃபார்முலா 1

முதல் சுற்று ..
ஆபத்தான இரண்டு அணிகளால் நாம் எந்த நேரமும் பின்னுக்கு தள்ளப்படலாம் என்ற நிர்பந்தத்தை சுமந்துகொண்டு ரெட்புல் அணி ,மிக தீவிர உத்வேகத்துடன் தனது வேகத்தை துவங்க எந்த மாற்றமும் இல்லாமல் முன்னுக்கு பாய ,அடுத்த நிலையில் இருந்த மெக்லரண் மெர்சடீஷ் லீவிஸ் ஹெமில்டனும் , ஜென்சன் பட்டனும் யார் முன்னுக்கு பாய்வது என்ற குழப்பத்தில் போட்டிபோட ,இதுதான் சமயம் என்று பெராரியின் - பெர்னாண்டோ அலோன்சா இருவருக்கும் நடுவே பாய்ந்து நான்காம்  இடத்தை தக்கவைத்தது அருமை .இப்போது அலோன்சா மூன்றாம் இடத்தில இருக்கும் ஜென்சனுக்கும் ஐந்தாம் இடத்திலிருக்கும் ஹெமில்டனுக்கும் இடையே ..

 பின்வரிசையில் வழக்கம்போல குழப்பத்திற்க்கு பஞ்சமில்லை .STR பெராரியின் வெர்ஜின் பின்புற வலது டயரில் மோதி பஞ்சர் பண்ண.. ஷூமேக்கர் பிட்லேன் திரும்பி மீண்டும் 24ஆம்  இடத்தில தொடர ..
நான்காம் சுற்று ..
 ஆலோன்சாவின் முயற்சி DRS பகுதி வந்தவுடன் மேலும் அதிகரித்தது .இப்போது ஜென்சனை தன்னுடைய மூன்றாம் இடத்தை ஆலோன்சாவிடம் பறிகொடுத்தார் .ஒரே அணிக்குள் ஏற்பட்ட மோதலை ஃபெராரி பயன்படுத்திகொண்டது.
ஆறாவது சுற்று ..
மீண்டும் ஜென்சன் பட்டனை பின்னுக்கு தள்ள ஹேமில்டன் பாய அடுத்த ஆண்டில் நம்மை விட்டு போக போகிற ஆளுக்கு  விட்டு கொடுப்பமே என்பது போல நான்காம் இடத்தை விட்டுகொடுத்தார் ஜென்சன்
பதிமூன்றாம் சுற்று ..
ஃபோர்ஸ் இந்தியாவின்- நிக்கோ ஹுல்கேன்பர்க் ஒன்பதாம்  இடத்திலிருந்து தனது DRS உச்சவேகமான 318 கி,மீ வேகத்தில் சாபர் பெராரியின் - செர்ஜியோ பெரசை எட்டாம் இடத்தை விட்டு அகற்றினார் .
 இருபதாம் சுற்று ..

இப்போது செர்ஜியோ பெரெஸ்  டயரும் மோதலில் பஞ்சராக-போட்டியை விட்டு வெளியேறியது
முப்பதாவது சுற்று ..
இப்போது டிரைவர்களின் வரிசை ..
1.வெட்டல் ,2.வெப்பர் ,3.ஹெமில்ட்டன் ,4.அலோன்சா .5.க்ரோயஜியன் ,6.ஜென்சன் ,7.மாசா ,8.ரைகொணன்,9.ஹுல்கேன்பர்க்,10.ரோஷ்பெர்க்
முப்பத்தி ஒன்றாம் சுற்று ..
மால்டோனா கார் கோபயாஷி காருடன் மோதியதில் .இரண்டு கார்களின் மோதலில் சற்றே எதிர்பாராத குழப்பத்தில் களத்தின் நடுவே இருக்கும்போது வெட்டலின் கார் இவர்களை கடந்து போனது - ரெட்புல் அணி நிம்மதி பெருமூச்சை விட்டது .
முப்பத்தி மூன்றாவது சுற்று ..
கடந்த எந்த போட்டியிலும் இல்லாத ஒன்று இப்போது நடந்தது ,அது மெக்லேரனின் - ஹெமில்டன் கார் பிட்லேன் வந்தபோது மாற்றப்பட்டது ஸ்டீயரிங் வீல் .அதுவும் 3.3 வினாடிக்குள் .பொதுவாக மெக்லேரனின்  அணியின் செயல்பாடு அந்த அணியின் கார்களுக்கு  ஐந்தாவது சக்கரம் என்பார்கள் .இதை பார்க்கும்போது அது உண்மை என படுகிறது .
நாற்பத்தி இரண்டாவது சுற்று..
 HRT யின் ( நம் நாராயண் கார்த்திகேயன்  அணி ) டி ல ரோசோ கார்  பிரேக் பிரச்சனையால் களத்தை விட்டு விட்டு விலகி பின்புறமாக இழுத்து சென்று ஓரசுவரில் மோதி நின்றது .
நாற்பத்தி எட்டாவது சுற்று ..
ஆலோன்சாவின் நோக்கம் இப்போது  ஏற்கனவே மெக்ளரனின் அணி செய்த செய்த தவறை பயன் படுத்தி கொண்டது  போல இப்போது இரண்டாம் இடத்திலிருந்த ரெட்புல்லின் மார்க் வெப்பரின் வெப்பரின் காரில் KERS வேலை செய்யவில்லை .இந்த பிரச்னை அறிந்த அலோன்சா ஒரே பாய்ச்சலில் முன்னேறி இரண்டாம் இடத்தை பிடித்தார் ஃபெராரி அணி உற்சாகமடைந்தது .
ஐம்பத்தி இரண்டாவது சுற்று ..
 வில்லியம்ஷின் - ப்ருனே சென்னா தன்னுடைய பதினோறாவது இடத்திலிருந்து முன்னேறி பத்தாம் இடத்து ரோஷ்பெர்க்கை பின்னுக்கு தள்ளி முன்னேறினார் .ரோஷ்பெர்க்கால் தன்னுடய காரின் DRS வலிமை புரிந்ததால் சத்தமிலாலாமல் ஒதுங்கிகொள்ள , கிடைக்க வேண்டிய ஒருபுள்ளியும் போனது .

ஐம்பத்தி நான்காவது சுற்று ..
முதலிடத்தில் பறந்து கொண்டு இருந்த வெட்டளுக்கும் இரண்டாவது இடத்து ஆலோன்சாவுக்கும் இடைவெளி 13 வினாடிகள் .ஆனால் வெட்டலின் காரின் அடிப்பகுதியிலிருந்து நெருப்பு பொறிகள் வெளிப்பட்டன ,ரெட்புல் அணி தனது நிம்மதியை இழந்து தவித்து பார்க்க தொடங்கியது ..ஆனால் அலோன்சா - வெட்டளுக்குமிடையே உள்ள இடைவெளி 9.459 வினாடிகள் என்று குறைந்தது .இப்போதும் ஆலோன்சாவின் காத்திருத்தல் தொடங்கியது - அது வெட்டல் காரின் வேகம்மேலும்  குறைய தொடங்கட்டுமென ..

அறுபதாவது இறுதி சுற்று ..


முதல் இடம் .

ரெட்புல்லின் -செபாஸ்டியன் வெட்டல் வெற்றி .அதுமட்டுமல்ல 1989 ஆண்டில் நடந்த ஃபார்முலா 1 போட்டிகளில் ஆண்ட்ரியன் சென்னா  தொடர்ந்து மூன்று  போட்டிகளில் ஆரம்பம் முதல் இறுதி வரை முதலிடத்தில் இருந்து வெற்றி பெற்ற சாதனை இன்று வெட்டளால் முறியடிக்கப்பட்டது . 240 புள்ளிகளுடன் முதலிடத்தில் இருக்கும் இவரின் இடம் இன்னும் மூன்று போட்டிகளில் ஏதாவது இரண்டில் உறுதி செய்யப்பட்டுவிடும் ,

 
இரண்டாவது இடம் .
ஃபெராரியின் நம்பிக்கை நட்சத்திரம் ஃபெர்னாண்டோ அலோன்சா .கடந்த போட்டியில் ஆறு புள்ளிகளுடன் டிரைவர்கள் சாம்பியன்ஷிப் வரிசையில் இரண்டாவது இடத்தில இருந்த இவர் இந்த வெற்றியின் மூலம் 13 புள்ளிகள் இடைவெளியில் அதே இடத்தில .

மூன்றாவது இடம் .
ரெட்புல்லின் - மார்க் வெப்பர் இந்த வெற்றியின் மூலம் தனது நான்காவது இடத்தை வெப்பர் உறுதி செய்கிறாரோ இல்லையோ அணியை முதலிடத்திற்கு கொண்டு சேர்க்க உதவும் .

வாழ்த்து

   
வெற்றி புள்ளியை தொடும் காரை வரவேற்கும் கொடியசைப்பை இந்த முறை இந்தியாவிற்கு துப்பாக்கி சுடும் போட்டியில் வெண்கலம் வாங்கிய Gagan narang பெற்றார் .இந்த வாய்ப்பு ஒரு விளையாட்டு வீரருக்கு கிடைக்கவேண்டும் என்பதை போட்டி நிர்வாகம் நினைத்தது வாழ்த்துதற்கு உரியதாகும் .

வேடிக்கை

இந்த முறை போன ஆண்டை போல போட்டி நடக்கும்போது நாய்கள் குறுக்கே வராது என போட்டி நடத்தும் நிர்வாகம் உறுதியளித்தது வேடிக்கை .
வினோதம் .

82 வயதை நேற்றுடன் கடந்த ஃபார்முலா 1 நிர்வாகத்தின் ரிங் மாஸ்டர் என செல்லமாக அழைக்கப்படும் Bernie Ecclestone இந்தியாவை உங்களுக்கு ஏன் பிடித்திருகிறது என கேட்டபோது காதல் வலையில் உங்களை வீழ்த்திய பெண்ணுடன் வெளியிடம் செல்வது எப்படி ஏன் பிடிக்கிறதோ அதைப்போலத்தான் என குறும்பான பதில் தந்தார் கடந்த சில மாதங்களுக்கு முன்தானே  தனது   மூன்றாவது திருமணத்தை 46  வயது பிரேசிலின்  Fabiana Flosi அழகியை கைபிடித்திருகிறாரே  அப்புறம் ஏன் சொல்லமாட்டார்?

 விறுவிறுப்பு

சமீபத்திய பல போட்டிகளில் பின்னடைவை சந்தித்து கொண்டு இருக்கும் லீவிஸ் ஹெமில்டன் புது உத்வேகம் பெறும் வகையில் அவரின் ஹெல்மெட்டில் Belive in your self enough and anythink is Possiple - ஹெல்மெட் வர்ணம் தீட்டுபவர் ஜசோன் பிளோவேர் ( Jason Flower )  மூலம் ஹிந்தியில் எழுதப்பட்டுள்ளது இதற்கு உதவி நம் கருண் சந்தோக் .

வாடிக்கை

                                      கடந்த ஆண்டை விட( 94800 )  இந்த ஆண்டு போட்டி பார்க்கவரும் கூட்டம் குறைந்து விட்டது  .                                                                                                       காரணம் பல ....                                                                                                                                    

     
 அவற்றில் முக்கியமானது இந்திய வீரர்கள் முன்னணியில் இல்லாததது அதோடு  ஃ போர்ஸ் இந்திய அணியின் . செயல்பாடும்தான்.

                                    

   மேலும் முக்கியமானது இந்த போட்டிகள் கார்போட்டிகளில் ஆர்வம் இருக்கும் நகரங்களை தேர்வு செய்யாதது .

                                         கிரிகெட்டிலிருந்து வெளியேறி வேறு ஒரு இடத்திற்கு வர விரும்பும் மக்களை இந்த போட்டிகள் பயன்படுத்திக்கொள்ளவேண்டும் .
                        

                  பணக்ககார போட்டி இது என்ற திரை விலகுமோ அன்று இங்கு வரவேற்பு கூடும்

இந்திய ஃபார்முலா 1 திருவிழா .

                               நாளை இந்தியாவில், இந்திய நேரப்படி  பிற்பகல் 3 மணிக்கு Airtel Indian Grand  Prix ஐ  உங்கள் வீட்டில் கால் மேல் கால் போட்டுகொண்டு ரசிக்க தயாராகிவிடுங்கள் .அருமையான போட்டியை இந்த  நேரில் சென்று பார்க்கும் வாய்பை இந்த முறையும் இழந்து விட்டேன் .என் பிரிய நண்பர் ஒருவர் புறப்படட்டு போகலாம் என அழைத்திருந்தார் .ஆனால் என்விருப்பம் வேறு .முன் அனுமதியும் ,சரியான வழிகாட்டுதலும் இல்லாமல் செல்ல மனமில்லை .( அலுவலகத்தில் போராடி விடுமுறை வாங்கி விடலாம் என்பது வேறு விஷயம் ) ஒன்று இந்திய வீரர்கள் இருவரின் மூலமாகவோ அல்லது முக்கிய அனுமதி மோட்டார் கிளப் வழியாகவோ பெற்று போக வேண்டும் .அல்லது ஃ பேஸ்புக் நண்பர் சுகுமாரின் நண்பர் சூனா மானா போன்றவர்களின் (இவர் இப்போது பெர்ராரி அணிக்காக பணிபுரிந்து கொண்டு இருக்கிறார் ) வெளிப்படையாக சொன்னால்  முக்கியத்துவம் இல்லாமால் போனால் யாரையும் நேரில்பார்த்து ஹலோ சொல்லகூட முடியாமல் போகலாம் .அடுத்த ஆண்டு நேரில் சென்று பார்த்து எழுத ஆசை .அதற்க்கு இன்னும் என் பதிவுகள் முக்கியத்துவம் பெற்றால் ( கடினமாக உழைத்து எழுதினால் ) வாய்ப்புகள் வரலாம் .( அல்லது எழுதுவதை நிறுத்தி எல்லோரையும் காப்பாற்றலாம் ).அடுத்த ஆண்டு இலக்கு-  நேரில் போய் எழுத வேண்டும் .

சரி, இந்திய போட்டியில் பார்ப்போம் ..
பயிற்சி போட்டி .
                        எனக்கு வேலையே வைக்கவில்லை பயிற்சி போட்டி P1,P2,P3 தகுதி போட்டி Q1,Q2,Q3 எல்லாவற்றிலும் ரெட்புல் ரேனால்ட்டின் -செபாஸ்டியன் வெட்டல் முதலிடம் .அதே போட்டி வரிசையில் முதல் இரண்டு இடம் ரெட்புல் அணிக்கு அடுத்த இரண்டு இடம் மெக்லரண் மெர்சடீஷ் அணிக்கும் ,அதற்க்கு அடுத்த இரண்டு இடம் ஃபெர்ராரி அணிக்கும் மிக அபூர்வமாக அமைந்து இருக்கிறது .போட்டியும் அற்புதமாக இருக்கும் .சென்ற முறை செபாஸ்டியன் வெட்டல் இந்திய கிராண்ட் பிரிக்ஸ் நாயகன் .அது மட்டுமல்ல சென்ற ஆண்டு அவர் அந்த போட்டியில் சாம்பியன் பட்டத்திற்கு தகுதி பெற்றுவிட்டார் .ஆனால் இந்த ஆண்டு இன்னும் அது உறுதி பெறவில்லை .

 சரி இந்திய போட்டியின் ஏர்டெல் அழகிகளை பார்க்கலாமா ?

செபாஸ்டியன் வெட்டலின் - "ஹாட்ரிக் வெற்றி"

                அருமையான பாரம்பரியம்மிக்க தென்கொரியாவில் - ஃபார்முலாவின் 16 ஆவது போட்டி அல்லது பல பரீட்சை நடை பெற போகிறது .

Korean rapper Psy teaches  - Gangnam Style dance to Mark Webber (left) and Sebastian Vettel

முதல்சுற்று ..
ரெட்புல்லின் மார்க் வெப்பரும் அவரை தொடர்ந்து செபஸ்டியன் வெட்டலின் காரும் சீறிப்பாய ,இவர்களை முந்தும் முயற்சியில் மூன்றாவதாக இருந்த மெக்ளரனின் - லீவிஸ் ஹேமில்டன் முயற்சிக்க ,அவரை வரமுன்னேற விடாமல் வெட்டல் வழிமறித்து முதல் வளைவு வரை செல்ல ,இந்த போட்டியை பயன்படுத்தி நான்காவதாக இருந்த பெர்ராரியின் பெர்னாண்டோ அலோன்சா மூன்றாம் இடத்தை கைப்பற்றினார் .

ஜப்பானின் வில்லன்


வழக்கம் போல பின் வரிசையில் மோதல்களுக்கும் பஞ்சமில்லை .சாபர் பெராரியின் - கமோய் கோபயாஷி முன்னேறி செல்லும் வேகத்தில்  மெக்ளரனின் -ஜென்சன் பட்டனின் காரின் வலது முன் பக்க டயரை தாக்கியதில் பஞ்சர் .அத்துடன் விடவில்லை மெர்சடிசின் - நிக்கோ ரோஷ்பெர்க்கின் காரிலும் மோதி இரட்னு காரையும் போட்டியிலிருந்து வெளியேற்றி புண்ணியம் செய்தார் .அவர் காரின் இடது பின்பக்க டயரையும் முன்பக்க WINGS  மாற்றிவிட்டு எதுவுமே நடைபெறாதது போல ரேசை தொடர்ந்தார் ..அடபாவிகளா ? ஜப்பானின் மண்ணின் கதாநாயகன்'கொரியா வந்தவுடன்  வில்லன் போல ஆகிவிட்டாரே !

பதினான்காவது சுற்று ..
வழக்கம் போல ஹெமில்டனை தொடர்ந்து வெப்பர் , வெட்டல் ,அலோன்சா என டயர் மாற்றம் வந்தார்கள் ..

பதினாறாவது சுற்று ..
கமோய் கோபயாஷி - மோதலின் பெனால்டியும் ,பாதிப்பும் தொடர முடியாமல் ரேசை விட்டு வெளியேற செய்துவிட்டது .
அவரை தொடர்ந்து HRT - அணியின் -      Pedro de la Rosa காரும் வேகத்தை கட்டுபடுத்தும் -Throttle பிரச்சனையால் வெளியேறினார் .இத்துடன் நான்கு  கார்கள் வெளியேறிவிட்டது .

இருபதாவது சுற்று ..
1.வெட்டல் 2.வெப்பர் 3.ஆலோனசா 4.ஹெமில்டன் 5.மாசா 6.ரைகொணன் 7.ஹுல்கேன்பரக் 8.மல்டோனடோ 9.க்ரோஜியன் 10.ஷூமேக்கர்

இருபத்தி ஒன்று ..
ஐந்தாவது மாசா - நான்காவது ஹெமிட்டனை துரத்த துவங்கினார் ,மிக பல போராட்டத்திற்கு பிறகு மூன்றாவது இடத்தை பிடித்தும் விட்டார் .
மூன்றாம் இடத்து அலோன்சா இப்போது இரண்டாம் இடது வெப்பரை முந்த  முயற்சிக்க தன்னுடைய 15 கி.மீ DRS வேக முன்னணியில் தன்னுடைய இடத்தை வெப்பர்  தக்கவைத்துக்கொண்டார் .

இருபத்தி மூன்றாம் சுற்று ..
இப்போது ஹெமில்டனை - ரைகொணன் பின்னுக்கு தள்ளும் முயற்சியில் இருந்தார் .ஆனால் இது ஒரு அருமையான தொழில்நுட்ப வேக விளையாட்டு என்பதிற்கு உதாரணமாக இருந்தது . .இந்த முயற்சியில் வழக்கமாக இடதுபுறமிருந்து வலது புறமாக சுற்றப்படும் களங்களில் வலது முன்பக்கத்து டயர் மிகவும் தேயும் அபாயம் அதிகம் .அந்த பலவீனத்தை ரைகொணன் - ஹெமில்டனுக்கு தந்தார் .அது மட்டுமல்ல DRS  தவிர KERS தொழில்நுட்பத்தை பயன்படுதத  ஹெமில்டனின்   தூண்டி பலவீனப்படுதினார் .எங்கெல்லாம் தொழில்நுட்பம் உதவுகிறதோ அங்கெல்லாம் அதை வீணடிக்கும்  முயற்சி இருந்து.

இருபத்தி எட்டு ..
இரண்டாம் இடத்து வெப்பரிடம் ஒரு பாதுகாப்பு முயற்சி இருந்தது .காரணம் அலோன்சாவை முந்தவிட கூடாது என்பது .அது மட்டுமல்ல ஏற்கனவே முதலிடத்தை வேட்டளுக்கு தாரை வார்துவிட்டானபின் இதுவும் விட அவரிடம் மிச்சமில்லை .

முப்பத்தி ஐந்தாவது சுற்று ..
இப்போது மீண்டும் வெப்பரை  தொடர்ந்து அலோன்சா ,வெட்டல் ,மாசா ,ரைகொணன் என டயர் மாற்றம் தொடர்ந்தது .

முப்பத்தி எழு ..
ஷூமேக்கரின் காரை  - 23 கி.மீ DRS வேக வித்தியாசத்தில் நமது ஷஹார போர்ஸ் இந்திய அணியின் டி ரேஷ்டா முந்தினார்  ( ஹேமில்டன் கவனிக்கவும் .உங்களின் அடுத்த இடம் மெர்சடீஷின் நிலை இப்படி இருக்கே ,மறுபரிசீலினை உண்டா ? )

நாற்பது ..
1.வெட்டல் 2.வெப்பர் 3.அலோன்சா 4.மாசா 5.ரைகொணன் 6.ஹுல்கேன்பர்க் 7.ஹேமில்டன் 8.ரிகார்டியோ 9.வெர்ஜின் .

லீவிஸ் ஹெமில்டனுக்கு எங்கிருந்துதான் வருகிறார்களோ தெரியவில்லை .இப்போது ஹுல்கேன்பர்க் முந்தினார் அடுத்து க்ரோஜியனும் நெருக்கடி தர துவங்கிவிட்டார் .

நாற்பத்தி ஒன்பது ..
இப்போது வெட்டல் பத்து வினாடிகள் வித்தியாசத்தில் வேப்பரிடம் இருந்து விலகி இருந்தார் .ஆனாலும் தனது முன்பக்க டயரில் பலவீனப்பட்டு இருந்ததால் எதற்கும் தயாராய்  இருந்தார் ..

இப்போது ஹெமில்டனுக்கு விதி வேறு ஒரு பிரச்சனையை தந்தது .அது களத்தின் ஓரத்தில் இடப்பட்டு இருந்த  செயற்கை புல் .அது சுமார் மூன்று அடி நீளத்திற்கு பெல்ட்போல காரின் வலது புறம் தொற்றிக்கொள்ள காரின் காற்றியக்க விசை தள்ளாட்டம் ஏற்பட்டது வளைவுகளில் காரின் நிலை தன்மை முற்றிலும் பாதிக்கப்பட்டது .இது வேறயா ?

ஐம்பத்தி மூன்று ..
ஹெமில்டனின் இந்த பிரச்சனையை புரிந்து கொண்ட STR - பெராரியின் வெர்ஜினும் , டேனியல் ரிகார்டோயோவும் மிக சாதரணமாக முந்தினர் .
இந்த பிரச்னை தீர்க்க ஏன் சேப்டி  கார் வரவில்லை ? அந்த சதியுமா  ஹெமிடனுக்கு எதிராக ?

ஐம்பத்தி ஐந்து ..கடைசி சுற்று
ரெட்புல்லின் - செபாஸ்டியன் வெட்டல் .தன்னுடைய இருபத்தி ஐந்தாவது முதலிடத்து வெற்றி .சென்ற ஆண்டுபெல்ஜியம் ,இத்தாலி , சிங்கபூர் என மூன்று தொடர் வெற்றிகளை குவித்தது போல இந்த ஆண்டு சிங்கப்பூர் ,ஜப்பான்,தென்கொரியா என ஹாட்ரிக் வெற்றி . அதோடு ரெட்புல்லுக்கு இது 33 ஆவது முதலிடத்து வெற்றி ( மீதி எட்டு வெற்றி மார்க்க வெப்பரால் வந்தது )
.

இரண்டாம் இடம் ,,
அதே அணியின் மார்க் வெப்பர் .பரிசு பெரும் இடத்தில வெப்பர் வழக்கம் போல வெட்டலை ஒரு அந்நியன் போல பார்த்துகொண்டார் .என்ன இருந்தாலும் "ஜெனரேசன் கேப் " இருக்கத்தானே செய்கிறது .( வெட்டல் வயது 25 - வெப்பர் வயது 36 )

மூன்றாவது இடம் ..
பெராரியின் - பெர்னாண்டோ அலோன்சா .அடுத்து மாசாவுக்கு பதிலாக அந்த இடத்தில வெட்டல் வரும் வாய்ப்பு பெர்ராரியில் இருப்பது பலமாக இருப்பதால் வெப்பரை போல ஆலோன்சாவும் அவ்வளவாக வெட்டலை கண்டுகொள்ளவே இல்லை .இன்னும் சொல்ல போனால் வழக்கமாக சாம்பெயின்  அபிசேகம் கூட இவர்களுக்குள் இல்லை .அது மட்டுமல்ல வெகு நாளுக்கு பிறகு அலோன்சாவை விட வெட்டல் இந்த கொரிய வெற்றிக்குப்பிறகு 6 புள்ளிகள் அதிகம் .சபாஷ் பலமான போட்டி !

                                  யார் ஜெயித்தால் என்ன ,எங்களின் தேசத்தில் உங்களுக்கான  வணக்கம் வேண்டுமா வேண்டாமா ? சொல்வது அழகிய தென்கொரிய கள - கலையான நங்கைகள் .

நாளை தென்கொரியாவில் ஃ பார்முலா 1

 Hermann Tilke

நமது அடுத்த ஃபார்முலா 1 போட்டி தென் கொரியாவின்  (Yeongam ) களத்தில் இந்திய நேரப்படி காலை 11:30 க்கு தொடங்குகிறது .இந்த களமும் வடிவமமைப்பில் மிகவும் சவாலான முறையில் உலகின் 24 களத்தை வடிவமைத்தவரும் இன்னும் ஒரு  களம் வடிவமைப்பு செய்து கொண்டு இருக்கும் பல "களம் " கண்ட திரு .ஹெர்மன் டில்கே ( Hermann Tilke ) அவர்களின் கை வண்ணத்தில் உருவானது .

                                      Korean International Circuit - நடக்க இருபது இந்த ஆண்டோடு மூன்றாவது  போட்டியாகும் .உலகின் இந்த ஆண்டு பட்டியலில் நான்கு - Anti-clockwise ( வலப்புறம் இருந்து இடது புறம் ) களப் போட்டிகளில் இதுவும் ஒன்று .பொதுவாக இந்த மாதிரி களத்தின் போட்டிகள் கூடுதலாகவே கடினமாக இருக்கும் .அதிலும் 18 வளைவுகளை கொண்ட களத்தின் மொத்த நீளம் 308.630 கி.மீ .ஒரு சுற்றின் நீளம்  5.615 கி.மீ .மொத்தம் 55 சுற்றுக்களை சுற்றி முடித்த முந்தய வேக சாதனையாளர் செபாஸ்டியன் வேட்டல் இவர் எடுத்துக்கொண்ட நேரம் 1:39.605 நி/வி .அது போல களத்தில் 2 ஆம் வளைவிலிருந்து 3 ஆம் வளைவு வரை உச்சவேகம் 320 கி.மீ தொடலாம் .அதே சமயம் 4 ஆவது வளைவின் மிக குறைந்த நேரம் 103 கி.மீ .

பயிற்சி போட்டி முடிவுகள் .
ஜப்பானை போல நமக்கும் கொரியாவுக்கும் நேர வித்தியாசம் + 3.30 மணி நரம் என்பதால் நாளைய போட்டிகளின் தகுதி சுற்று வரை இப்போதே நாம் அறிய முடிகிறது ஒரு சௌகர்யம்
நேற்று காலை நடந்த முதல் பயிற்சி போட்டியில் - மெக்லரண் மெர்சடீசின் - லீவிஸ் ஹேமில்ட்டன் .
நேற்று மதியம்  நடந்த மற்றொரு பயிற்சி போட்டியில் .ரெட் புல்லின் - செபாஸ்டியன் வெட்டல் .
இன்று நடந்த இறுதி , பயிற்சியில் - .ரெட் புல்லின் - செபாஸ்டியன் வெட்டல் .

தகுதி சுற்று ..
( Q 1 ) முதல் தகுதி சுற்றில் தலைவிதியை நிர்ணயம் செய்தது - ரெட் புல்லின் - செபாஸ்டியன் வெட்டல் .1:38.208 + (107% ) 0:6.874 = 1:45.082 .இந்த 107% சுழலில் சிக்கி தகுதி இழந்தது நமது நாராயண் கார்த்திகேயன்என்பது ஒரு சோகம் .
( Q 2 ) இரண்டாவது தகுதி  சுற்றில் மீண்டும் - செபாஸ்டியன் வெட்டல்.
( Q3 )ஆனால் ,மூன்றாவது இறுதி சுற்றில் ரெட் புல்லின் - மார்க் வெப்பர் .முதலிடம் .இரண்டாவது இடம் - செபாஸ்டியன் வெட்டல்,மூன்றாவது இடம் மெக்லரண் மெர்சடீசின் - லீவிஸ் ஹேமில்ட்டன் .

 தென் கொரியா கவிதையாளர் யாரோ ஒருவர் போட்டி களத்தில் உள்ள கொரிய அழகியை பார்த்து கொடி இடையால் என எழுத பொய் கொடி  + இடை என்று காரின் வேகத்தில் தவறி எழுத போய் இவர்கள் இடையில் கோடியை நட்டுவைத்து விட்டனர் .

ஜப்பானின் கோப்பையும் - செபாஸ்டியன் வெட்டளுக்கே.

முதல் சுற்று ..
முதலிடத்தில் கிளம்பிய ரெட்புல்லின் வெட்டல் கார் மிக சுலபமாக பாய்ந்து செல்ல அதே அணியின் மார்க் வெப்பர் கார் மெல்ல தயங்கி கிளம்ப அந்த இடத்தை நோக்கி பாய்ந்து இரண்டு கார்கள் பாய்ந்தன. ஒன்று ஜப்பானின் மண்ணின் நாயகன் - சாபெர் பெராரியின் நாயகன் கமுய் கோபயாஷி அடுத்தவர் பிலிப் மாசா

                                       ஆனால் பின் வரிசையில் முதல் வளைவை நெருங்கும் முன் ,ரோமின் க்ரோஜியன் கார் வெப்பர் காரின் பின் பகுதியில் மோதி தள்ளி சென்று காலத்திற்கு வெளியே தள்ள ,அதற்குள் பெர்னாண்டோ ஆலோன்சாவின் காரில் டயர் முற்றிலும் இல்லாமல் களத்திற்கு வெளியேற அதை தொடர்ந்து மெர்சடீசின்- நிக்கோ ரோஷ்பெர்க் காரும் களத்தை விட்டு வெளியேறி நின்றது .
                                        அதற்க்குள் ,இந்த மோதலில் Front Wing  இழந்த ப்ருனே சென்னாவின் ,ரோமின் க்ரோஜியன் பிட் லேன் வந்தனர் .இந்த மோதல் குழப்பத்தை சரிசெய்ய சேப்டி கார் வந்தது .
ஆறாம் சுற்று ..
செர்ஜியோ பெரெஸ் ஏழாம் இடத்திலிருந்து ஹெமில்டனை பின்னுக்கு தள்ளி ஆறாம் இடத்தை பிடித்தார் .என்ன ஆச்சு லீவிஸ் ?
ஏழாம் சுற்று ..
ரோமின் க்ரோஜியன் போட்டி ஆரம்பத்தில் செய்த தவறுக்கு இப்போது  பத்து வினாடிகள் நிறுத்தி செல்லும் தண்டனை பெற்றார் .
பதினான்காம் சுற்று ..
மெல்ல ஒவ்வொரு கார்களும் Hard Compound டயர்களை மாற்ற தொடங்கின ..அதனால் வீரர்களின் வரிசையில் மாற்றங்கள் துவங்கின ..
பதினெட்டாம் சுற்று ..
வெட்டல் டயர் மாற்றம் .ஆனால் மீண்டும் அதே முதலிடம் ..
இருபதாம் சுற்று ..
1. வெட்டல்2.மாசா  3.கோபயாஷி  4. ஜென்சன் பட்டன் 5. ரைகொணன் 6. ஹெமில்ட்டன்7. ஹுல்கேன்பர்க் 8. மல்டோனடோ 9. வெப்பர் 10 ரிக்கர்டியோ
முப்பத்தி ஒன்றாம் சுற்று ..
வெட்டலின் காரில் கார் வளைவில் திரும்பும்போதெல்லாம் அதிர்ந்தன ..டயரின் பாதிப்பு .
முப்பத்தி இரண்டு
டயர் மாற்றம் செய்து விட்டு பிட் லேனை விட்டு வெளியேறி கொண்டு இருந்த ஹேமில்டன் கார் அப்போது களத்தில் சுமார் 300 கி.மீ வேகத்தில் ரைகொணன் கார்  மிக குறுகிய வளைவில் 160 கி.மீ குறைந்து திரும்ப வேண்டிய இடத்தில் போட்டியிட்டு கொண்டன .ஆனால் ஹெமில்டன் முன்னேறினார் .
இந்த ரேசிலும் துரதிருஷ்டம் தொடர்ந்தன .ஆம் நம் நாராயண் கார்த்திகேயன்  கார் கேரேசுக்குள் தஞ்சம் அடைந்தது .
முப்பத்தி ஏழு  ..
பிலிப் மாசா டயர் மாற்றம் .ஆனால் அதே இரண்டாவது இடத்தில் தொடர்ந்தது .
முப்பத்தி எட்டு ..
வெட்டல் டயர் மாற்றம் .அவரும் அதே முதல் இடம் தொடர ..
நாற்பதாவது சுற்று ..
இப்போது வெட்டளுக்கும்- பிலிப் மாசாவுக்கும் இடைவெளி 18.378 வினாடிகள் நீடித்தன .
மீண்டும் அணிவரிசையில் சில மாற்றங்கள் .
                       1.வெட்டல்  2.மாசா  3.கொபயாசி  4. பட்டன் 5. ஹெமில்ட்டன் 6. ரைகொணன் 7. ஹுல்குன்பர்க்  8.மல்டோனடோ  9. வெப்பர் 10 ரிக்கர்டியோ
ஐம்பத்தி ஒன்றாவது சுற்று ..
நான்காம் இடத்து ஜென்சன் பட்டன் மூன்றாவது இடத்தில் பறந்து  கொண்டு இருந்த சொந்த மண்ணின் நாயகன் கோபாயாஷியை குறி வைத்து துரத்த ..இருவருக்கும் இடையே ஒவ்வொரு  சுற்றுக்கும் வினாடிகள் குறைந்து கொண்டு இருந்தன .எந்த ஒரு DRS பகுதியிலும் மெக்ளறேன் தன்னுடைய வேகத்தை நிரூபிக்கலாம்..
ஐம்பத்தி இரண்டு ..
ஜப்பானின் தேசத்தவர்கள் இருப்பிடத்தை விட்டு எழுந்து கோபயாஷியின் வெற்றியை கையசைத்து . கொடியசைத்து காட்ட ,அதே சமயம் ஜென்சன் பட்டனின் அணி அவரை முந்த சொல்லி அறிவுறுத்தி கொண்டே இருந்தன ..
ஐம்பத்தி மூன்று ..கடைசி சுற்று ..
முதலிடம்

எந்தவித போட்டியும் இல்லாமல் வெட்டல் தன்னை அடுத்து வந்த மாசாவை 20. 6 வினாடிகள் வித்தியாசத்தில் முதலிடத்தில் வென்றார் .காரை விட்டு வெளியேறிய வெட்டல்  காரின் வரையப்பட்டு இருந்த அணியின் சின்னமான பாயும் காலயியா தடவி  மகிழ்ந்தார் .2009 ,2010 மற்றும் இந்த ஆண்டு ஜப்பானின் முதலிடத்து கோப்பை வெட்டளுக்கு என்பது வாடிக்கை ஆகிவிட்டது .அது மட்டுமல்ல இந்த ரேஸின் மூலம் மூன்றாவது முறையாக டிரைவர்களுக்கான சாம்பியன் பட்டதை நோக்கி தெளிவாக நடை போடவழிவகுத்து கொண்டார் .முதலிடத்தில் உள்ள ஆலோன்சாவுக்கும் இவருக்கும் புள்ளிகளின் இடைவெளி நான்கு மட்டுமே
இரண்டாம் இடம் ..

பிலிப் மாசா ..
2010 ஆம் ஆண்டில்சவுத் கொரியா  ரேசில் மூன்றாம் இடம்  வந்ததர்க்கு பிறகு இவரின்  போடியம் வருகை .வெகுநாள் தன்னுடைய ரசிகர்களை காக்க  வைத்துவிட்டார் .அதிலும் இன்று அலோன்சா இடத்தை சரிசெய்து விட்டார் .
மூன்றாம் இடம் ..

கமுய் கொபாயாஷி .தன்னுடைய ஃபார்முலா 1 வாழ்கையை 2009 ஆம் ஆண்டில் தொடங்கிய பிறகு முதல் பெரிய  வெற்றியை பெற்றது அதுவும் தான் சொந்த மண்ணில் ஏறும் 0.5 வினாடி  வித்தியாசத்தில் ஜென்சன் பட்டனிடமிருந்து பாதுகாத்தது பெரிய விஷயம் .அவரின தேசபற்றை வெளிபடுத்தும் சந்தோசத்தை பெற்றார் .

முதல் முறை .
அருமையான இந்த பதிவை  அதுவும் இன்று நடந்த போட்டியை இன்றே   பதிந்த சந்தோசம் அடைகிறேன் காரணம் எனது இரண்டு ஆண்டு பதிவு வரலாற்றில் இதுவே முதல் முறை .